काठमाडौं— चलचित्रकर्मी दिनेश डिसीले स्थापना गरेको सिनेमा सर्कल नेपालले ‘एलजी फिल्म एवार्ड–२०७२’ मार्फत नेपालमा पहिलो पटक पृथक विधाहरु समावेश गरेर एवार्ड वितरण गर्न लागेको दावी गरेको छ ।

नेपाली फिल्मका प्राविधिकहरुलाई विशेष सम्मान तथा पुरस्कार प्रदान गर्न सिनेमा सर्कल नेपाल (सिसिएन) ले ‘एलजी फिल्म एवार्ड’ आयोजना गर्ने घोषणा गरेको हो । आइतबार काठमाडौंमा आयोजित पत्रकार सम्मेलनमा एवार्डका अध्यक्ष दिनेश डिसीले एवार्ड वितरण समारोहमा भारतीय फिल्म कलाकार तथा सांसद शत्रुघन सिन्हा विशेष अतिथिको रुपमा सहभागि हुने जानकारी गराएका छन् ।

निर्देशक डिसीका अनुसार हाल नेपालमा सञ्चालन भैरहेका एवार्डहरु भन्दा केही भिन्न रहेर आफ्नो संस्थाले यो एवार्ड आयोजना गर्न लागेको हो । एवार्डलाई नेपालकै प्रतिष्ठीत एवार्ड बनाउने लक्ष्य रहेको डिसीको दावी छ ।

यसमा पर्दा पछाडि काम गर्ने चलचित्रकर्मिहरु पनि पुरस्कृत हुनेछन् । उत्कृष्ट पोष्टर तयार पार्ने डिजाइनर, ट्रेलर बनाउने सम्पादक, द्वन्द्वका डरलाग्दा दृष्यमा अभिनेता अथवा अभिनेत्रीको स्टन्ट गर्ने स्टन्टम्यान, भिएफएक्स गर्ने प्राविधिकहरु यही एवार्डमार्फत पहिलो पटक पुरस्कृत हुनेछन् । एवार्ड वितरण समारोहमा बलिउडकर्मी शत्रुघन सिन्हा तथा जापानीज निर्देशक मात्सुबासी हिरोयुकी अतिथिको रुपमा उपस्थित हुनेछन् ।

आइतबार आयोजित पत्रकार सम्मेलनमा एवार्डमा प्रदान गरिने ट्रफीको नमुना पनि सार्वजनिक गरियो । ट्रफीमा ढाका टोपी तथा दौरा सुरुवाल लगाएरु कम्मरमा खुकुरी भिरेको आर्यन वर्णको नेपाली पुरुषको पूर्ण कद समावेश छ । । ट्रफीलाई चर्चित युवा मुर्तिकार नविन सुबेदीले डिजाईन गरेका हुन ।

यस्ता छन् एवार्डका विधाहरु

—द बेस्ट पोस्टर अफ द इयर
—द बेस्ट ट्ेरलर अफ द इयर
—द बेस्ट स्टन्ट अफ द इयर
—द बेस्ट अन–स्क्रिन कपल अफ द इयर
—द बेस्ट भिएफएक्स अफ द इयर
—द मोस्ट पपुलर एक्टर (मेल/फिमेल) अफ द इयर
—द मोस्ट पपुलर सङ अफ द इयर
—द बेस्ट ब्याकग्राउण्ड स्कोर अफ द इयर
—द बेस्ट स्क्रिनप्ले
—द बेस्ट एडिटर अफ द इयर
—द बेस्ट कलरिष्ट अफ द इयर
—द बेस्ट सिनेमेटोग्राफर
—द बेस्ट एक्सन कोअर्डिनेटर
—द बेस्ट म्युजिक डाइरेक्टर
—द लाइफटाइम एचिभ्मेन्ट एवार्ड
—मोस्ट इम्प्याक्टफूल/नलेजेवल मुभि अफ द इयर
—द बेस्ट एक्टर (मेल/फिमेल)
—द बेस्ट फिल्म
—द बेस्ट डाइरेक्टर