राष्ट्रपतिद्वारा चार विधेयक प्रमाणीकरण

-- ?>

president

काठमाडौं— राष्ट्रपति विद्यादेवी भण्डारीले व्यवस्थापिका–संसद्बाट पारित चार विधेयक प्रमाणीकरण गर्नु भएको छ । संसद बैठकबाट विभिन्न मिति पारित ती विधेयकहरु संविधानको धारा ११३ अनुसार २७ भदौमा प्रमाणीकरण गरेको राष्ट्रपति कार्यालयद्वारा जारी विज्ञप्तिमा उल्लेख छ ।
सर्वोच्च अदालत ऐन, २०४८ (पहिलो संशोधन) विधेयक २०७३, न्याय परिषद्को काम, कर्तव्य र अधिकारसम्बन्धी कानुनलाई संशोधन र एकीकरण गर्न बनेको विधेयक २०७३, न्याय सेवा आयोगको काम, कर्तव्य र अधिकारका सम्बन्धमा संशोधन र एकीकरण गर्न बनेको विधेयक २०७३ र न्याय प्रशासनसम्बन्धी कानुनलाई संशोधन र एकीकरण गर्न बनेको विधेयक २०७३ विधेयक प्रमाणीकरण भएको राष्ट्रपति कार्यालयले जनाएको छ ।