दाहाल–मोदी भेटवार्ता

-- ?>

dahal-modi

काठमाडौं— प्रधानमन्त्री पुष्पकमल दाहाल तथा भारतीय प्रधानमन्त्री नरेन्द्र मोदीबीच वान टु वान कुराकानी सकिएको छ ।

भारतीय प्रधानमन्त्री नरेन्द्र मोदी तथा समकक्षी पुष्पकमल दाहालबीच दिल्लीस्थित राष्ट्रपति भवन हैदरवाद हाउसमा झण्डै ४५ मिनेट एक्ला–एक्लै भेटवार्ता भएको हो ।

भेटमा नेपाल भारतको सम्बन्ध, ठूला परियोजना निर्माणलाई गति दिनेबारे छलफल भएको बताइन्छ ।

कुटनीतिक वृत्तमा वान टु वान वार्तालाई निकै महत्वका साथ हेरिन्छ ।

एक्ला–एक्लै भेटवार्तापछि दुवै देशका प्रतिनिधिसहित संयुक्त बैठक बसिरहेको छ ।

संयुक्त बैठकमा दुई देशबिच केही महत्वपूर्ण सम्झौतामा हस्ताक्षर हुने र प्रधानमन्त्रीहरुले संयुक्त पत्रकार सम्मेलन गर्ने दिल्लीस्थित नेपाली दूतावासले जनाएको छ ।

समकक्षी मोदीसंगको भेटपछि प्रधानमन्त्री दाहालले भारतीय राष्ट्रपति प्रणव मुखर्जीसंग शिष्टाचार भेट गर्नुहुनेछ ।