काठमाडौं— यसअघि साताको तीन दिन दुवई उडान भर्दै आएको नेपाल एयरलाइन्सले दुवईका लागि एउटा उडान थप्दै अबदेखि साताको चार दिन उडान भर्ने भएको छ । आज आइतबारदेखि प्रँरम्भ भएको नया“ उडान तालिका अनुसार काठमाडौंबाट दुवईका लागि शनिबार, आइतबार, मंगलबार तथा बिहिबार राती ११ः३० बजे उडान हुनेछ । दुवईबाट आइतबार, सोमबार, बुधबार तथा शुक्रबार बिहान ४ः१० मा उडान भर्ने एयरलाइन्सले जनाएको छ । प्रत्येक फ्लाइटमा ८ विशेष तथा १ सय ५० अन्य सिटको व्यवस्था हुने एयरलाइन्सले जनाएको छ ।
एयरलाइन्सले दुवईमै कार्यालय स्थापना गरेर टिकट बिक्री वितरण गर्ने तयारी गरिरहेको बताइन्छ । निगमले अहिले युएईको अजमानमा रहेको नेशनल ट्राभल एजेन्सीलाई स्थानीय आधिकारीक एजेन्टको जिम्मा दिएर काम गरिरहेको छ ।
चार वर्ष रोकिएको उडान गत महिनादेखि काठमाडौं–दुवई सिधा उडान प्रारम्भ गरेको थियो । नेपाल वायु सेवा निगमले काठमाडौं–दुवई उडानको प्रारम्भको प्रवद्र्धनात्मक भाडादर दुईतर्फी ३२ हजार रुपैया“ तोकेको छ ।
चाडपर्वको मौसम खासगरी दसैं—तिहारमा यात्रा गर्नेको उच्च चाप भएकाले ३० किलो लगेज सहित ७ किलो हाते झोला र एउटा टिभी लैजान सक्ने व्यवस्था गरेको एयरलाइन्सले जनाएको छ ।