भिक्टोरियाको बहुसांस्कृतिक उत्कृष्टताबाट चार नेपाली सम्मानित

-- ?>

मेलबर्न । अष्टेलियाको भिक्टोरीया राज्यमा Victorian Multicultural Commission ले हरेक वर्ष ‘मल्टिकल्चरल अवार्ड भिक्टोरीया ’ नामक अवार्डहरुले विभिन्न समुदायको विभिन्न क्षेत्रमा टेवा व्यक्ति विशेषहरुलाई सम्मानित गर्दै आइरहेको छ । विगत ३ वर्षदेखि यी अवार्डबाट नेपालीहरुले पनि सम्मानित हुँदै आइरहेका छन् । यो वर्ष पनि विभिन्न विधामा अवार्डको छनोट गरिएको थियो । यही १३ अक्टोबरमा मेल्वर्नको गर्भरमेन्ट हाउसमा भएको यस अवार्ड नाइटमा यो वर्षपनि नेपाली समुदायबाट चारजना सम्मानित भएका छन् ।

नेपाली समुदायमा लामो समयदेखि समुदायमा क्रियाशिल तथा आफ्नो बुलन्ध आवाज र कामबाट समाजमा एकदमै परिचित दिपा राई, नेपाली समुदाय र नेपाली पत्रकारितामा क्रियाशील युवा पत्रकार निरु त्रिपाठी, नेपाली कला र संस्कृतिको भिक्टोरीयाको एक अभियन्ता भरन्सेर राई र खेलकूद तथा सामाजिक कार्यमा क्रियाशिल हरि गुरुङ मल्टिकल्चर अवार्डबाट विभिन्न विधामा सम्मानित भएका छन् ।

नेपाली समुदायमा लामो समयदेखि समुदायमा क्रियाशिल तथा महिला सशक्तिकरण, मानव अधिकारबाद , सामुदायिक क्षमता अभिबृद्धि, नेतृत्व र परोपकार जस्ता क्षेत्रमा राईको अग्रणी भूमिका रहेको छ दिपा राईको योगदानलाई Victorian Multicultural Commission ले Victoria’s Multicultural Awards for Excellence 2016 for Meritorious Service to the Community नामक अवार्डले सम्मान गरिएको थियो । यो अवार्डमा तीन क्याटाग्रोरी रहेको हुन्छ । विजेता, हाइली कमेन्डेड र कमेन्डेड । राई हाइली कमेन्डेडबाट सम्मानित भएकी हुन् । यो सम्मानको लागि विगत दश वर्षदेखि समुदायमा व्यक्तिको विशेष भूमिका रहेको हुनुपर्दछ । सोही विधामा समुदायका अन्य दुई अगुवा भरन्सेर राई र हरि गुरुङले पनि Certificate of merit बाट सम्मानित भएकाछन् ।

त्यसैगरी भिक्टोरियाको बहुसांस्कृतिक उत्कृष्टता मिडियाको विधाबाट भिक्टोरियाको बहुसांस्कृतिक उत्कृष्टता बाट नेपाली टाइम्स् मेल्वर्नकी सम्पादक निरु त्रिपाठी सम्मानित भएकी छिन् । यो सम्मान कम्यूनिटि पत्रकारिताबाट राम्रो टेवा पुर्याएको भन्दै उनको काम र विगत ३ वर्षदेखिको कम्यूनिटि पत्रकारिताको लगावलाई भक्टोरिया कमिसनले प्रोत्साहनको रुपमा प्रदान गरेको हो । निरु त्रिपाठी विगत तीन वर्षदेखि मेल्वर्न बस्दै आएकी छिन् र भिक्टोरीया यूर्निभर्सिटिबाट उनले पत्रकारितामा मास्टस् गरेकी छिन् । एकवर्ष अगाडि भिक्टोरीया यूनिभर्सिटिले उनलाई आउटस्टान्डिङ्ग स्टुटेन्टमा पनि सम्मानित गरेको थियो ।

भिक्टोरिया सरकारको तर्फबाट हरेक वर्ष प्रदान गरिने मल्टिकल्चरल एक्सिलेन्स अवार्ड यहाँको प्रतिष्ठित अवार्ड मानिन्छ ।