सुजाता कोइराला पनि सभापति उम्मेद्वार

-- ?>

Sujata Koirala
काठमाडौं— कांग्रेस नेतृ सुजाता कोइरालाले सभापति पदका लागि उम्मेद्वारी घोषणा गरेकी छिन् । बुधबार आफ्नै निवास मण्डिखाटारमा पत्रकार सम्मेलन आयोजना गर्दै कोइरालाले सभापति लड्ने औपचारिक घोषणा गरेकी हुन् ।
पूर्व प्रधानमन्त्री स्व.गिरिजाप्रसाद कोइरालाकी एक मात्र छोरी सुजाताको यो घोषणासंगै १३ औं महाधिवेशनमा कांग्रेसको भावी नेतृत्वका लागि चार जनाबीच प्रतिस्पर्धा हुने भएको छ ।
सभापतिमा रामचन्द्र पौडेल, शेरबहादुर देउवा र कृष्णप्रसाद सिटौलाले पनि उम्मेद्वारी दिने तयारी गरेका छन् । अन्य नेताले आफ्नो प्यानल खडा गरे पनि कोइरालाले एक्लै चुनावी मैदान उत्रन लागेकी हुन् । कांग्रेसको महाधिवेशन भोलि बिहीबारदेखि प्रारम्भ हुँदैछ ।