जारी छ मोर्चाको संसद वहिष्कार

-- ?>

madhesi-party_1

काठमाडौं- व्यवस्थापिका–संसद्को आज सोमबारको बैठक पनि मधेस केन्द्रित दलले बहिष्कार गरेका छन् । व्यवस्थापिका–संसद्को आजको बैठक शुरु हुनेबित्तिकै सद्भावना पार्टीका सांसद लक्ष्मणलाल कर्णले मधेश केन्द्रित दलहरुको मागअनुसार संविधानलाई संशोधनमार्फत सर्वस्वीकार्य बनाउने सरकारको प्रतिबद्धता कार्यान्वयन नभएको भन्दै  आपत्ति जनाए ।

वर्तमान सरकार गठन हुँदा भएको तीनबुँदे सहमति कार्यान्वयन नभएकोमा गुनासो गर्दै उनले तत्काल संविधान संशोधन प्रस्ताव ल्याउनुपर्नेमा जोड दिए । त्यसलगत्तै मधेश केन्द्रित दलका सांसदहरु बैठकबाट बाहिरिएका थिए  ।  सदनको बैठक बहिष्कार गर्ने दलहरुमा सङ्घीय समाजवादी फोरम नेपाल, तराई मधेश लोकतान्त्रिक पार्टी, सद्भावना पार्टीलगायत छन् । आजको बैठकमा अख्तियार दुरुपयोग अनुसन्धान आयोगका निलम्बित प्रमुख लोकमानसिंह कार्कीविरुद्धको महाभियोग प्रस्ताव सम्बन्धी छलफल जारी छ ।