१० औं अनशनमा डा. गोविन्द केसी

-- The NTA ?>

dr-kcकाठमाडौं- त्रिवि शिक्षण अस्पतालका प्राध्यापक डा. गोविन्द केसीले ९ बुँदे माग राख्दै आइतबारदेखि पुनः अनशन शुरु गरेका छन् ।

त्रिवि चिकित्साशास्त्र अध्ययन संस्थान (आईओएम) को डिन वरिष्ठताका आधारमा नियुक्त गर्नु पर्नेसहितका नौवटा माग राख्दै डा. केसीले आज, २७ कात्तिक अपराह्नदेखि अनशन शुरु गरेका हुन् ।

उनको यो १० औं पटकको आमरण अनशन हो । त्रिविले डा केपी सिंहलाई आइतबार डिन नियुक्त गरेको छ  तर, डा. केसीले आफूले शुरुदेखि भन्दै आएको वरिष्ठताका आधारमा डिन नियुक्त गरिनु पर्ने लगायतका माग पूरा नभएको भन्दै अनशन शुरु गरेका हुन् ।

पछिल्लो तीन/चार वर्षमा वरिष्ठताका आधारमा डिन नियुक्त हुँदा त्रिवि शिक्षण अस्पतालमा केही सुधार हुँदै गएको तर अहिले भने त्यो नियम मिचिएकाले नयाँ नियुक्ति आफूलाई स्वीकार्य नभएको उनले बताएका छन् ।