संविधान संसोधनमा सहमति ?

-- ?>

major-party-leaders

काठमाडौं— सत्तारुढ दलहरु र मधेशी मोर्चाबीच आज बुधवार भएको छलफलमा संविधान संशोधन प्रस्ताव छिट्टै दर्ता गराउने सहमति भएको छ ।

सीमांकन, भाषा, राष्ट्रियसभामा प्रतिनिधित्व, नागरिकता लगायतका विषयमा अहिलेसम्म भएका छलफलका आधारमा समझदारी बनाएर चाँडै संसदमा संशोधन प्रस्ताव लैजाने सहमति भएको माओवादी केन्द्रका नेता वर्षमान पुनले जानकारी दिएका छन् ।

नेता पुनले संशोधनका अन्य प्राविधिक विषय समेत समेटेर चाँडै संशोधन प्रस्ताव दर्ता गरिने बताए पनि ती विषयमा कस्तो संशोधन आउने भन्ने चाहीँ थप छलफलपछि सरकारले टुंगो लगाउने बताए ।

प्रमुख प्रतिपक्षी एमालेको सहमति बेगर दर्ता गराइने प्रस्तावको सदन र सडक दुबै ठाउँबाट विरोध गरिने एमालेले यसअघि नै जनाइसकेको छ ।