होमप्रसाद लम्साल

न्यूयोर्क, सुडानको डार्फरमा बन्दुकधारीहरुद्धारा अपहरित दुई नेपाली युवालाई छुटाउने विषयमा संयूक्त राष्टसंघको कार्यलयबाट पहल भैरहेको छ । संयुक्त राष्ट्रसंघीय शरणार्थी मामिलासम्बन्धी नियोग (युएनएचिसआर) को सुडान कार्यलयमा कार्यरत उनीहरुलाई विभिन्न माध्यमबाट वार्ता र पहल भइरहेको संयुक्त राष्ट्रसंघीय कार्यालयले जनाएको छ । संयूक्त राष्टसंघका लागि स्थायी प्रतिनिधि दुर्गाप्रसाद भट्टराईका अनुसार राष्ट्रसंघीय नियोगमा कार्यरत नेपाली अपरण परेको कुरा राष्ट्रसंघीय सम्बद्ध निकायलाई जानकारी भैसकेको र थप पहलका लागि जेनेभास्थित यूएनएचसिआर मुख्यालयले काम गरिरहेको बताए । न्यूयोर्कस्थित संयूक्त राष्टसंघ कार्यलयका स्थायी प्रतिनिधि भट्टराई र जेनेभास्थित नेपाली दुतावासले राष्ट्रसंघीय नियोगसंग अपहरणमा परेका नेपाली छुटाउन संयूक्त प्रयास गरिरहेका छन । स्थायी प्रतिनिधि भट्ट्राईले भने शुरुको चरणमा हामीले नेपाली अपहरणमा परेको थाहा पाएर पहल गर्यौ अबको बाँकी काम राष्टसंघीय कार्यलय र नेपाली दुतावास जेनेभाले हेर्दैछ कारण जेनेभामा यूएनएचसिआरको मुख्यालय छ ।
न्युयोर्कले राष्टसंघीय मुख्यलयमा जानकारी गराउने र जेनेभास्थित नेपाली दूतावासले लगातार रुपमा राष्ट्रसंघीय निकायको सम्पर्कमा रहेर बन्दीलाई छुटाउन पहल गरिरहेका हो । अपहरणबाट छुटाउन सबै संयन्त्रलाई संयमतापूर्वक लगाउनुपर्ने भएकोले त्यसमा सचेत रहेर काम भइरहेकोले कतिपय विषय गोप्य राखिएको समाचार श्रोतको भनाई छ ।
लामो समय द्धन्द्धमा फसेको सुडानको पश्चिम डार्फर क्षेत्रबाट दुई दिन अघि एक सुडानी नागरिकसहित दुई नेपाली बन्दुकधारीको अपहरणमा परेका थिए ।
अपहरित व्यक्तिअरु ललितपुर पुल्चोक र धापाखेलका हुन् । उनीहरु अपहरणमा परेको जानकारी युएनएचसीआरले परिवार र सरकारलाई दिई सकेको छ ।