आइओएमका डिनले दिए राजीनामा

-- ?>

dr-singh

काठमाडौं— त्रिभुवन विश्वविद्यालय चिकित्साशास्त्र अध्ययन संस्थान (आइओएम) का डिन डाक्टर केपी सिंहले राजीनामा दिएका छन् ।

त्रिविले उनलाई २० दिनअघि आइओएमको डिनमा नियुक्त गरेको थियो । नियुक्त भएसँगै शिक्षण अस्पताल महाराजगञ्जमा वरिष्ठ चिकित्सक डा.गोविन्द केसीले डिन बर्खास्त गर्नुपर्ने माग राख्दै आमरण अनसन बस्नुभएको थियो । डा. केसीको दशौँ आमरण अनसनको शुक्रबार २० औँ दिन हो ।

वरिष्ठता आधारमा डिन नियुक्ति नगर्ने चलखेलमा संलग्न विश्वविद्यालयका उपकुलपति डा. तीर्थ खनियाँलाई पदबाट बर्खास्त गर्नुपर्ने डा केसीको प्रमुख माग थियो । यसबारे केसीको प्रतिक्रिया आउन बाँकी छ ।

उनले एमबिबिएस शुल्क निर्धारणबारे पुरानै शुल्क कायम गर्नुपर्ने, कुनै पनि वहानामा नयाँ मेडिकल कलेजलाई सम्बन्धन दिन नहुनेलगायत माग पनि राख्नुभएको छ ।