युवा संघका अध्यक्ष तिवारीको हत्या

-- ?>

बुटवल– रुपन्देहीको देवदहमा युवा संघ रुपन्देहीका अध्यक्ष दुर्गा तिवारीको सोमबार दिउसो गोली हानी हत्या गरिएको छ ।
मोटरसाईकलमा आएका दुई अज्ञात व्यक्तिले ३६ वर्षीय तिवारीमाथि सोमबार दिउसो साढे ३ बजे गोली प्रहार गरेको प्रहरीले जनाएको छ । गोली लागि घाइते भएका तिवारीको देवदह मेडिकल कलेजमा उपचारका क्रममा मृत्यु भएको प्रहरीले जनाएको छ । प्रहरी घटनास्थलमा पुगी अनुसन्धान थालिरहेको ईलाका प्रहरी कार्यालय, बुटवलका डीएसपी मुकुन्द मरासिनीले जानकारी दिएका छन् ।
हत्याको विरोधमा बुटबलमा प्रदर्शन गरिएको छ । युवा संघका कार्यकर्ता प्रदर्शनमा उत्रिएका हुन । विरोध प्रदर्शन हुन थालेपछि स्थानीय प्रशासनले सुरक्षा व्यवस्था कडा बनाएको छ । हत्याराको अहिलेसम्म पहिचान हुन नसकेको प्रहरीले जनाएको छ ।