अस्ट्रेलियाको नेपाली समुदायमा चिर-परिचित समाजसेवी एबम अस्ट्रेलियाको बैज्ञानिक एबं अनुसन्धानत्मक संस्था सिएसआइआरओ कार्यरत वैज्ञानिक डा. राजु अधिकारी र उहाँको अनुसन्धान टोलीका अन्य सदस्यहरुलाई सिएसआइआरओ कृषि तथा खाध्य डिरेक्टर पुरष्कारबाट सम्मान सहित पुरष्कृत गरिएको छ ।

सय वर्ष अगाडी स्थापित कमनवेल्थ साइन्टिफिक एण्ड इण्डष्ट्रियल रिसर्च अर्गनाइजेशन (सिएसआइआरओ) अष्ट्रेलियाको एक प्रमुख वैज्ञानिक अनुसन्धान संस्था हो । डा अधिकारीलाई कृषि उत्पादन बढाउन पोलिमर प्रविधिको विकास गरेकोमा संयुक्तरुपमा उक्त पुरष्कार प्रदान गरिएको जनाइएको छ । यस अघि पनि डा अधिकारी चिकित्सा एप्लीकेशन्समा पोलिमर सम्बन्धी कार्यको लागि सिएसआइआरओबाट पुरष्कृत भइसक्नु भएको छ । उहाँ सिएसआइआरओका दुई वटा सहायक कम्पनीहरुमध्ये एकको आविष्कारक पनि हुनुहुन्छ । हाल अष्ट्रेलियामा परीक्षण भैरहेको उक्त प्रविधि नेपाल लगायतका कृषिप्रधान देशहरुमा पनि सफलतापूर्वक प्रयोग गर्न सकिने आफुले विश्वास लिएको वैज्ञानिक डा. अधिकारीले द नेपाली टाईम्स अस्ट्रेलियालाई बताउनुभयो ।

बिश्वको जनसंख्या जुन रुपमा बढेको छ र यसरि बढेको जनसंख्यालाई कसरि खाद्यान्न पुराउने भन्ने अहिलेको ठूलो चुनौती हो । यसैले पनि थोरै पानी र रासायनिक मलको प्रयोग गरी सिमित जमीनमा  उत्पादन बढाउन सकिने र स्वस्थ लगाएत अन्य कुरामा असर नपर्ने पोलिफेलिन भनिने रसायनमा आधारित पदार्थ विश्वभरि नै किसानहरुले प्रयोग गर्न थालेका छन् । यस बाट माटोमा रहेको पानीको ह्रास कम हुने र झारपातको वृद्धिमा पनि नियन्त्रण हुने अनुसन्धानमा रहेका वैज्ञानिकहरुले बताएका छन् उनिहरुका अनुसार फलफूल तथा नगदे बालीको उत्पादन बढाउन यो प्रविधि अबको बिश्वको लागि निकै उपयोगी हुनेछ । कैयौं वर्षको अनुसन्धान पछि मात्र कृषिमा प्रयोगका लागि ट्रान्सपिरेशनल भनिने यो प्रविधिको विकास गरिएको पनि डा. अधिकारीले बताउनुभयो । सिएसआइआरओका जैविक प्रविधि विशेषज्ञ डा. अधिकारी गैरआवासीय नेपाली संघ एनआरएनएको सीप, ज्ञान तथा आविष्कार समितिका संयोजक पनि हुनुहुन्छ ।