सिड्नीमा तामाङहरुको सास्कृतिक एबम मौलिक पर्ब नयाँ बर्ष अर्थात सोनाम ल्होछार धुमधामका साथ मनाउने तयारी हुँदै छ । तामाङ सोसाइटी अफ एनएसडब्लु – सिड्नी परिवारले सदा झै यो बर्ष पनि तामाङहरु को मौलिक पर्व सोनाम ल्होछार २८५३ ज्या ल्होछार ( चरा बर्ष) मनोरन्जनात्मक कार्यक्रम सहित मनाउन लागेको तामाङ सोसाइटीको तर्फ बाट दिल तामांगले जनाएका छन् ।

एस स्टडी अष्ट्रेलिया ( YES STUDY AUSTRALIA ) को मुख्य प्रायोजनमा आगामी २८ जनवरीमा पिटरशाम टाउन हलमा हुने उक्त कार्यक्रममा नेपालबाट चर्चित गायक रोज मोक्तान अनी हाँस्य तथा रंगमंच कलाकार बुद्धी तामाङ उर्फ हैट आउने भएका छन । तामाङहरु को परम्परागत कला , संस्कृती झल्कने झाँकी लगायत तामाङ सेलोहरु का साथै बिशेष डम्फु नाच समेत यो कार्यक्रम को मुख्य प्रस्तुती रहने छन् । त्यसको अलवा युवाहरु को ढुक्ढुकी हिप होप गायक तथा स्टाइलिश दामी बोइ फुबा तामाङ र सिड्नीका प्रिय गायक दिल तामाङको समेत प्रतुती रहने यो कार्यक्रममा सिड्नीका अन्य स्थानिय कलाकार हरुको पनि सहभागीता रहने छ ।

स्वादिष्ट नेपाली खाना सहित तामाङहरु को संस्कृती झल्कने गीत संगीत र पेट मिची मिची हाँस्ने यस कार्यक्रमको टिकट दर बिशिस्ठको $५० र साधारण $३५ गरी दुई प्रकारको रहेको आयोजकले जानेको छ ।

सन २००९ देखी औपचारिक रुपमा सिड्नीमा मनाउदै आइरहेको सोनाम ल्होछारले तामाङहरु को कला संस्कृती बचाउन महत्पूर्ण भुमिका खेल्नुका साथै बहुसंस्कृतिक अष्ट्रेलियाली परिबेशमा समेत छुटटै टेवा पुराउदै आएको संस्थाले जनाएको छ । बुद्ध पूजा र लामा प्रवचनबाट सुरु हुने यस् कार्यक्रममा सम्पूर्ण सिड्नी बासी नेपाली समुदायलाई उपस्थितीको लागि कार्यबाहक अध्यक्ष दिल तामाङले निमन्त्रणा दिएका छन ।

थप जानकारीको लागि दिल तामाङ ०४०१ ५६४ ५६२ र किशोर लामा ०४०६  ६७५ ८९९ मा सम्पर्क गर्नु सकिनेछ ।