प्राधिकरण सिईओमा गोविन्द पोखरेल

-- ?>

काठमाडौं- सरकारले राष्ट्रिय पुनर्निमाण प्राधिकरणको प्रमुख कार्यकारी अधिकृत (सीईओ) मा गोविन्द पोखरेललाई नियुक्त गरेको छ । बुधवार बसेको मन्त्रिपरिषद बैठकले सुशील ज्ञवालीलाई सीईओ पदबाट बर्खास्त गरी पोखरेललाई नियुक्त गरेको सञ्चारमन्त्री सुरेन्द्र कार्कीले जानकारी दिएका छन् ।

केपी ओली नेतृत्वको सरकारले प्राधिकरण प्रमुखमा नियुक्त गरेका ज्ञवालीलाई वर्तमान सरकारले उनको काम चित्त बुझ्दो नभएको भन्दै यसअघि दुई पटक स्पष्टिकरण सोधेको थियो ।

स्पष्टिकरण चित्त बुझ्दो नभएपछि ज्ञवालीलाई पदबाट हटाइएको मन्त्री कार्कीले बताएका छन् ।

राष्ट्रिय योजना आयोगमा पूर्व उपाध्यक्ष समेत रहेको पोखरेल ज्ञवाली नियुक्त हुनुअघि नै प्राधिकरणको सीईओमा नियुक्त भए पनि अध्यादेशमार्फत भएको उनको नियुक्तिे संसदले अध्यादेश पारित नगर्दा खारेज भएको थियो ।