कांग्रेस सभापतिको मतगणना सुरु, २ देखि अढाई घण्टामा परिणाम

-- ?>

नेपाली कांग्रेसको सभापति चयनका लागि भएको दोस्रो चरणको निर्वाचनको मचगणना सुरु भएको छ । निर्वाचन समितिका संयोजक राधेश्याम अधिकारीले कांग्रेस सभापतिका लागि सोमबार भएको दोस्रो चरणको निर्वाचनको परिणाम राति ११ बजे भित्रमा आइसक्ने बताएका छन् ।
नेपाली कांग्रेसको सभापति चयनका लागि सोमबार भएको दोस्रो चरणको निर्वाचन सम्पन्न भएको छ । मतदानमा ३ हजार १ सय २० मतदाताले मतदान गरेको निर्वाचन समितिका सदस्य खम्मबहादुर खातीले बताए । आज ४१ जना मतदाता अनुपस्थित रहे । आइतबार भएको पहिलो चरणमा ३ हजार १ सय ४८ ले मतदान गरेका थिए । १३ जना मात्र अनुपस्थित थिए । कुल मतदाता ३ हजार १ सय ६१ छन् । अपरान्ह करिब ३ बजेबाट सुरु भएको मतदानका लागि पौने ७ समयको समय निर्धारण गरिएको थियो ।

समिति सदस्य खातिले पार्टीका नेताहरुसँगको छलफलपछि आजै राति ८ बजेबाट मतगणना गरिने सहमतिमा पुगिएको बताए । यसअघि निर्वाचन समितिले निर्वाच्ानमा खटिएकाहरु थाकेकाले भोलि बिहानबाट पार्टी कार्यालय सानेपामा गणनाको प्रस्ताव गरेका थिए । पार्टी नेताहरुले आजै गणनाको दवाब दिएपछि समिति उक्त निष्कर्षमा पुगेको खातीले जनाए ।