उनीहरु मुसहर बस्ती निर्माण तथा सामाजिक सद्भावका फैलाउने हेतुले अष्टेलिया भ्रमणमा छन् । धुर्मस–सुन्तलीको जोडी आफैंमा फाउन्डेसन हुँदै विश्वभरका नेपालीको मन जितेर एकपछि अर्को परोपकारी तथा सामाजिक कार्यको उपनाम हुन पुगेका छन् । कलाकारिता बाहेक धुर्मस–सुन्तलीले गरेको परोपकारी कामको क’रा गर्ने हो भने भूकम्प गएलगतै जम्मा साढे २ महिनाको छोटो अवधिमै काभ्रेमा निर्माण गरिएको एकीकृत पहरी वस्ती धुर्मुस–सुन्तलीले पिडितलाई हस्तान्तरण गर्न सफल भएका थिए ।

काभ्रेमा निर्माण गरिएको एकीकृत पहरी वस्ती पश्चात पनि धुर्मुस–सुन्तलीको पीडितको घाउमा मल्हम लगाउने अभियान रोकिएन, खाईपाई आएको कलाकारिता पेशालाई थाँती राखेर दूधे बालकलाई अभिभावकको जिम्मा लगाएर सत्कर्ममा हिँडेका धुर्मुस–सुन्तली र शुभचिन्तकहरुको बीचबाट जन्मियो धुर्मुस–सुन्तली फाउन्डेसन । त्यहि धुर्मुस–सुन्तली फाउन्डेसनको छायाँमा बसेर देश–विदेशका शुभचिन्तकको माया, मामता, सदभाव तथा करुणाभावलाई समेट्दै राहत वितरणदेखि साना–ठूला परोपकारी काम हँुदै सिन्धुपाल्चोकको मेलम्ची–८ गिरान्चौरका ६५ भूकम्प पीडित परिवारलाई विविध पूर्वाधार सहितको एकिकृत वस्तीको अनुपम उदाहरण स्वरुप नयाँ घर हस्तान्तरण गरेका छन् ।

अब उनीहरुको लक्ष्य भनेको मुसहर बस्ती निर्माण गरेर त्यहाँको बासिन्दाहरुलाई अलिकति भएपनि राहत दिने रहेको छ । नेपाली टाइम्स्साग कुरा गर्दै उनीहरुले देश र वस्ती एकजनाले बनाएर पुग्दैन यसमा सबैजनाको हात चाहिन्छ । आफ्नो देश हामी आफैले बनाउने हो र तपाइहरुको एक डलरको सहयोगी मनले देशको एउटा गरीव को घरमा अन्न आउँछ । त्यसैले सबैजना आफैले देश विकास गर्ने अभियान मा लाग्न अनुरोध गरेका छन् ।