क्याप्टेन अमेरिका उत्कृष्ट

-- NTA REP. / प्रकाशित मिति : सोमवार, माघ १७, २०७३

वर्ष २०१६ मा प्रदर्शन भएका हलिउडका चलचित्रहरू मध्ये ‘क्याप्टेन अमेरिका: सिभिल वार’ सर्वाधिक रकम आम्दानी गर्ने पहिलो चलचित्र बनेको छ । एन्थोनी–जोय रुसोद्वारा निर्देशित यो चलचित्रले १ अर्ब १५ करोड ३३ लाख ४ हजार ४ सय ९५ अमेरिकी डलरको व्यवसाय गर्न सफल भएको छ । मार्भल स्टुडियोको यो चलचित्रलाई वाल्ट डिज्नीले विश्वव्यापी वितरण गरेको हो । यसअघि प्रदर्शन भैसकेका ‘क्याप्टेन अमेरिका : द फस्र्ट एभेन्जर’ तथा ‘क्याप्टेन अमेरिका : द विन्टर सोल्जर’ पछि यो तेस्रो सिक्वेल हो । यो चलचित्रमा अघिल्ला दुई चलचित्रमा झैं क्याप्टेन अमेरिकाले विश्वलाई नै सुरक्षित बनाउने अभियानलाई अघि बढाएका छन् ।