सुल्तानले मार्‍यो बाजी

-- NTA REP. ?>

क्रिसमस इभको दिन प्रदर्शन भएको बलिउड चलचित्र ‘दंगल’ को व्यवसायिक विवरण सार्वजनिक नहुञ्जेल वर्ष २०१६ मा सबैभन्दा बढि आम्दानी गर्ने चलचित्रको रुपमा सलमान खानको ‘सुल्तान’ पहिलो स्थानमा छ । ९० करोड भारु लगानीमा तयार गरिएको यो चलचित्रले ३ अर्ब ४५ करोड भारुको व्यवसाय गर्न सफल भएको हो । अलि अब्बास जाफरद्वारा निर्देशित यो चलचित्रमा सलमान खान, अनुष्का शर्मा, अमित सद, रणदीप हुडा आदि कलाकारले अभिनय गरेका छन् । यो चलचित्रमा सलमान खानले रेस्लरको भूमिका निर्वाह गरेका छन् । चलचित्रमा प्रेम कथा त छ नै, रेस्लिङ खेलको क्रेजलाई पनि दर्साइएको छ । यो चलचित्रको सांगीतिक पक्ष पनि उत्कृष्ट रह्यो ।