जसका चलचित्र आएनन्

-- NTA REP. ?>

वर्ष २०१६ मा पाँच जना लोकप्रिय अभिनेता–अभिनेत्रीका कुनै पनि चलचित्र प्रदर्शन भएनन् । दीपिका पादुकोण, काजोल, कंगना रनौट, सैफ अलि खान तथा परिणिती चोपडाका कुनै पनि चलचित्र यो वर्ष प्रदर्शन भएनन् । २०१५ मा बाजीराव मस्तानीमार्फत दर्शकको मन जित्न सफल दीपिका पादुकोण हलिउडको चलचित्र ‘ट्रिपल एक्स’ (द रिटर्न अफ जेन्टर केज) मा व्यस्त भएका कारण पनि दीपिकाले यो वर्ष बलिउडमा समय दिन नभ्याएको बताइन्छ । काजोलको दिलवाले २०१५ मा प्रदर्शन भएको थियो भने २०१७ मा उनी केही चलचित्रमा सक्रिय हुने सम्भावना छ । रितिक रोशनसँगको सम्बन्धका कारण वर्षभरी नै चर्चामा आए पनि कंगनाको नयाँ चलचित्र ‘रंगून’ २०१७ मा मात्र प्रदर्शन हुने छ । भरखरै छोराको बुवा बनेका सैफ अली खान पनि वर्ष २०१७ मा चलचित्र ‘रंगुन’ मै देखिने छन् । परिणिति चोपडालाई भने वर्ष २०१७ मै चलचित्र ‘मेरी प्यारी बिन्दु’ मा देख्न पाइनेछ ।