एनआरएनए अस्ट्रेलियाले ब्यबसायिक सम्मेलन गर्दै 

अस्ट्रेलियाको आयोजना र अस्ट्रेलिया-नेपाल बिजिनेस
-- The NTA / प्रकाशित मिति : बिहिबार, माघ २०, २०७३

एनआरएनए अस्ट्रेलियाको आयोजना र अस्ट्रेलिया-नेपाल बिजिनेस काउनसिल सहआयोजक रहेर अस्ट्रेलियामा पहिलो पटक ब्यबसायीहरुको सम्मेलनको आयोजना हुदैछ ।  राष्ट्रिय  स्तरको यस सम्मेलनमा अस्ट्रेलियाका प्राय सबै शहर र स्टेटबाट ब्यबसायीहरुले सहभागिता जनाउने छन् ।

यस सम्मेलनका संयोजक डिला खरेलका अनुसार सम्मेलनमा अष्ट्रेलियाभित्र रहेर साना देखि ठूला सम्म ब्यबसाय संचालन गरेका ब्यबसायीहरु बीच रहेका समस्या, चुनौति र अवसरहरु बारेमा व्यापक छलफल गरिनेछ । त्यसै गरि उक्त सम्मेलन नेपालमा लगानीका पाँच प्रमुख क्षेत्रहरुका बारेमा छलफल हुनेछ भने त्यसमा बिज्ञहरुले कार्यपत्र प्रस्तुत गर्ने छन् । त्यसै गरि उक्त क्षेत्रका लगानीकर्ताहरुले आ-आफ्नो क्षेत्रको अनुभबहरु पनि कार्यक्रममा बाड्ने छन् । त्यसै गरि एनआरएनए अस्ट्रेलियाको ‘एक कार्यसमिति सदस्य-एक लगानी-एक रोजगारी’ सम्बन्धमा पनि बिशेष कार्यपत्र प्रस्तुत गरिनेछ ।
अस्ट्रेलियामा रहेर सफल ब्यबसायीको परिचय बनाएका, अस्ट्रेलियाका धनाढ्यमा बिआरडब्लुमा नाम लेखाउन सफल एनआरएनएका अध्क्षय शेष घले कार्यक्रममा प्रमुख आथितिको रुपमा, त्यसै गरि एनएसडब्लुका महाबाणिज्यदुत एबं सफल ब्यबसायी दिपक खड्का अथितिको रुपमा ब्यबसायिक सफलताका सुत्रहरुमा केन्द्रित रहेर आफ्नो प्रस्तुतिहरु दिनु हुनेछ । त्यसै गरि अस्ट्रेलियामा ब्यबसाय गरिरहेका बिदेशी मुलका ब्यपारीहरु पनि कार्यक्रमको बक्ताको रुपमा निमन्त्रणा गरिएको छ।
 

आउँदो ५ फेब्रवरी आइतबारका दिन बिहान १० देखि ४ बजे सम्म चल्ने उक्त सम्मेलन सिड्नीको ३८९ पिट स्ट्रिटमा रहेको रिडज होटेलमा हुदैछ । सहभागीहरुका लागि निशुल्क प्रवेश रहेको उक्त कर्यक्रममा सहभागी भई आ-आफ्नो व्यसायिक दक्षता र अनुभब बाँड्न सबै इच्छुक सहभागीहरुलाई एनआरएनए अस्ट्रेलियाले अनुरोध गरेको छ।