अष्ट्रेलियामा नेपाली युवाहरू माझ भाइचारा सम्बन्ध बढाउँदै उनीहरूलाई बिभिन्न शारीरिक गतिबिधि र खेलको माध्यमले जोड्दै आइरहेको नेप्लिज अष्ट्रे लियन युथ एसो सियसन (नया) ले यहाँको समुदायमा र नेपाल सम्म पनि बिभिन्न परोपकारी कामहरु गर्दै आइरहेको छ ।  कुनै न कुनै परोपकारी कार्यमा जोडिदै उल्लासमय तरिकाले बिगतमा तिन पटक क्रुज पार्टी सम्पन्न गरिसकेको नयाले आउदो शनिबार (फेब्रुवरी ११ ) का साँझ  चौथो पटक क्रुज पार्टीको आयोजना गरेको छ । भ्यालाइनटाइन डे को अवसर पारेर हुन लागेको उक्त  क्रुज पार्टीका लागि सांझ ५ः३० बजे डार्लिगं हार्बर किंग स्ट्रिट वार्फबाट क्रुज छुट्ने कार्यक्रम रहेको छ । पूर्ण पारिवारिक र सामाजिक वातावरणमा सम्पन्न हुने उक्त कार्यक्रममा विविध सांस्कृतिक कार्यक्रम सहित, डिजे , बालबालिकाका लागि बिबिध प्रतियोगिताहरु  र लक्कि ड्र लगायतका कार्यक्रमले मनोरञ्जन प्रदान गरिनेछ । मीठो खाना, गीत संगित, विविध मनोरञ्जनात्मक कार्यक्रम र सुन्दर हार्वरको दृश्यावलोकनबाट उपस्थिति सबैले पूर्ण मनोरञ्जन प्राप्त गर्ने  यस क्रुज पार्टीका संयोजक प्रकाश अर्यालले बताए  । कार्यक्रममा सहभागी हुनका लागि प्रति व्यक्ति ६० डलर टिकट दर तोकिएको छ । अर्यालका अनुसार यस कार्यक्रमबाट बचेको रकम अस्ट्रेलियामा रहेका युवाहरुलाई खेलकुद सामग्री र अन्य सृजनशिल कार्यहरुका लागि खर्च गरिने छ।

यस क्रुज पार्टीका टाइटल स्पोन्सर ओसियना एजुकेसनका सन्दिप खनालका अनुसार यहाँका युबाहरुको भावनालाई समेट्दै नयाले बिगत देखि नै बिबिध रचनात्मक कार्यहरु गर्दै आइरहेकोले यस पटकको अभियानमा आफुहरु पनि जोडिएको बताए।

नयाका नर्थसोर संयोजक दिनेश अधिकारीका अनुसार छोटो समयमा नै नया नर्थसोरका युवाहरु माझ समेत निक्कै लोकप्रिय बनिसकेको र यस पटकको क्रुज पार्टीमा नोर्थसोर बाट समेत व्यापक सहभागिता हुने जनाए ।  सिमित टिकट मात्र बाँकि रहेकाले कोहि व्यक्तिहरुले टिकट नलिई सक्नु भएको भए नयाका पदाधिकारीहरुलाई सम्पर्क गर्न समेत अधिकारीले अनुरोध गरेका छन् ।  कार्यक्रम संम्बन्धी अन्य जानकारी तथा टिकटको लागि प्रकाश ०४०१ ५१६ २९०, सन्ध्या ०४१५ ७९० ८३४, निजन ०४२१ १३५ २६७, प्रमिता ०४५२ ४५० ३००, सायमन ०४५१ १३० ८५५ मा सम्पर्क गर्न सकिने छ ।