आगामी फेब्रुअरी २५ गते शनिवार र २६ गते आइतबार सिड्नीको एसफिल्ड पार्कमा शारिरीक व्यायम शिविर (फिजिकल फिटनेस क्याम्प) गरिने भएको छ । फिटनेस क्षेत्रमा प्रख्यात अष्ट्रेलियन रजिष्टार ट्रेनर रेम्बो अधिकारीबाट प्रदान गरिने उक्त शिविरमा सहभागी हुन सिड्नीबासी सबैमा आग्रह गरिएको छ । यही दुईदिने शिविरको लागि रेम्बो अधिकारी २४ फेब्रुअरीमा डार्विनबाट सिड्नी आउने कार्यतालिका रहेको छ । उक्त व्यायम शिविरको लागि नाम दर्ता गरी व्यायम गर्ने सही तरिका कस्तो हो, बढ्दै गरेको कोलस्टोर र सुगर हुनबाट कसरी बच्ने तथा शारिरीक व्यायमबाट स्वस्थ मुटु कसरी राख्ने भन्ने विषयमा महत्वपूर्ण व्यायमका तरिकाहरु सिकी लाभ उठाउन सकिने ट्रेनर रेम्बो अधिकारीले बताए । खुल्ला पार्कमा समूहमा यस्ता व्यायम गर्नाले शरिरीरमा एक सकरात्मक उर्जा र मनोरञ्जनका साथै तनावमुक्त हुने बताइएको छ । यसलाई दर्ता रकम बापत ३० डलर राखिएको छ र यसबाट संकलित सम्पूर्ण रकम गोरखाको दूर्गम गाउँमा एम्बुलेन्स खरिद तथा सेवा संचालनको लागि सहयोग गरिने आयोजन शिव बञ्जराले बताएका छन् । यस कार्यक्रमलाई सिड्नी स्थित एक्टिभ मोर्गेज तथा फाइनान्स कम्पनीले प्रायोजन गरेको छ । जसको प्रोपराइटर लेख गुरुङ्ग हुन् ।
यहाँहरुको सानो सहयोगले विकट गाउँका हजारौं बासिन्दाहरुले सेवा उपभोग गर्न पाउने जनाइएको छ । विगतमा आपतकालिन विमारी पर्दा विरामी बाहनको अभावमा डोको र स्ट्रेचरमा विरामी लैजानु पर्ने र लामो बाटो हिंडेर जानुपर्ने हुनाले कतिपय विरामीको बाटोमा नै मृत्यु भएका घटनाहरु छन् । आँफू स्वस्थ बन्ने र सामाजिक सहयोग पनि हुने यस महत्वपूर्ण कार्यक्रममा सहभागी हुन सबैमा हार्दिक अनुरोध गरिएको छ ।