अस्ट्रेलियालाई कर्मभूमि बनाएर संगीत साधनामा व्यस्त सुजाता उपाध्याय मानन्धरले हालै ख्याती प्राप्त गायक उदित नारायण झा संग गाएको  “संसार मायामा अडछ…… ” बोलको गीतले तिन  भिन्न विधामा उत्कृष्ट अवार्ड हात पर्दै ह्याट्रिक गर्न सफल भएको छ । हिट्स एफएमद्वारा बर्षेनी संचालन हुने हिट्स एफएम म्युजिक अवार्ड २०७३ मा नोमिनेट भएका सयौ गितहरुलाई पछि पर्दै सुजाता उपाध्यायको स्वरमा रहेको यस गित गायन, कम्पोजिसन र एरेञ्ज्मेण्ट गरि तिन विधामा पुरष्कृत भएको हो ।  जस अनुसार सुजाता उपाध्याय र उदित नारायण झा गायन, आनन्द राई कम्पोजिसन र माहाराज थापा बेस्ट एरेञ्ज्मेण्ट थिए । द नेपाली टाईम्स अस्ट्रेलिया सँग अवार्डबाट सम्मानित हुन पाएकोमा गायिका सुजाताले प्रशन्नता व्यक्त गरिन।सबै श्रोता र दर्शकहरुको मायाले मात्र यो सम्भब भएको भन्दै यस सिलसिलामा सहयोग गर्ने समुहका सबै साथीहरु र हिट्स एफएम परिवारलाई धन्यवाद व्यक्त गरेकी छन्।

(Photo: Ananda Rai Facebook)