अनुष्काको दावी

-- NTA REP. ?>

अभिनेत्री अनुष्का शर्माले सञ्चारमाध्यममा आएको एउटा पछिल्लो समाचारको खण्डन गर्दै उनको प्रोडक्सनको दोस्रो फिल्म ‘फिल्लौरी’ मा उनका प्रेमी विराट कोहलीको लगानी नरहेको दावी गरेकी छिन् । क्लीन स्लेट फिल्म्सको ब्यानरमा निर्माण भएको उक्त फिल्ममा अनुष्का नै प्रमुख भूमिकामा छिन् । २८ वर्षीया अनुष्काका अनुसार उक्त फिल्ममा उनकै ब्यानरका साथै फक्स स्टार स्टूडियोजको लगानी छ । ‘सम्पूर्ण सञ्चारमाध्यमलाई म तथ्यमा आधारित समाचार लेख्न आग्रह गर्छु, अनुष्काले भनेकी छिन्—‘पत्रकारिताको कर्मलाई जिम्मेवारीपूर्वक निर्वाह गर्न आग्रह गर्दछु ।’