काठमाडौं- प्रधानमन्त्री पुष्पकमल दाहाल ‘प्रचण्ड’ चीनको हाइनानमा हुने बोआओ फोरमको उद्घाटन समारोहमा भाग दिन आज बिहिबार चीन प्रस्थान गर्दैछन् । एक साता लामो भ्रमणमा प्रचण्डले चिनियाँ राष्ट्रपति सी जिनपिङलाई पनि भेट्ने कार्यक्रम छ । त्यसक्रममा प्रधानमन्त्रीले राजनीतिक घेटघाट पनि गर्नेछन् ।

प्रधानमन्त्री भ्रमणका दौरान कुनै पनि सहमतिमा हस्ताक्षर हुने कार्यक्रम नरहेको परराष्ट्र मन्त्रालयले स्पस्ट पारेको छ । १५ सदस्यीय प्रतिनिधिमण्डलको नेतृत्व गर्दै प्रचण्ड आज बिहीबार राति १० बजे हाइनान प्रस्थान गर्ने कार्यक्रम छ । प्रधानमन्त्रीको टोलीमा पत्नी सीता दाहाल, परराष्ट्रमन्त्री डा. प्रकाशसरण महत, परराष्ट्र मन्त्रालयका सचिव शंकरदास बैरागी, मन्त्रालयका उच्च अधिकारी र सचिवालयका कर्मचारी सामेल छन् ।

बोआओमा प्रधानमन्त्री दाहालले मार्च २५ मा गते सम्वोधन गर्ने कार्यक्रम छ । उद्घाटन सत्रमा सहभागि भएपछि प्रधानमन्त्री सोही दिन बेइजिङ प्रस्थान गर्ने कार्यक्रम छ । मार्च २४ मा मा प्रधानमन्त्रीले चिनियाँ उपप्रधानमन्त्रीलाई भेट्ने कार्यक्रम छ ।

बेइजिङमा प्रधानमन्त्री प्रचण्डले राष्ट्रपति सीसँग भेट गर्ने कार्यक्रम छ । उनले मार्च २६ गते नेपाल-चीन सम्वन्धबारे बेइजिङको फरेन स्टडिज युनिभर्सिटिमा सम्वोधन गर्ने कार्यक्रम छ । बेइजिङपछि प्रधानमन्त्री तिब्बत जाने कार्यक्रम छ । प्रधानमन्त्री प्रचण्डसहितको टोली मार्च २९ का दिन स्वदेश फर्कनेछ ।