चितवनमा पहिरोले पुरिए ५ सवारी

दुई जनाको शव निकालियो
-- ?>

चितवन– चितवनको मुग्लिन–नारायणगढ सडकखण्डमा सुख्खा पहिरो खस्दा कम्तीमा ५ वटा सवारी साधन पुरिएको रेडियो कान्तिपुरले जनाएको छ । उद्धारका क्रममा प्रहरीले अहिले सम्म दुई जनाको शव निकालेको छ ।
पहिरोमा एउटा ट्याङकर, एउटा जिप, दुई वटा मोटरसाईकल र एउटा ट्रक पुरिएको ईलाका प्रहरी कार्यालय मुग्लिनले जनाएको छ । स्तोरन्नतीको क्रममा रहेको सो सडकखण्ड गत मंगलवारबाट बिहान १० बजेदेखि ४ बजेसम्म बन्द हुने भएपनि सो समय अघि नै छुटेका सवारी साधन पहिरोमा पुरिएका हुन् । भरतपुर महानगरपालिका अन्तरगत २९ नम्बर वडामा पर्ने घुमाउने स्थानमा पहाडबाट खसेको डुङा सहितको ढिस्को खसेको थियो ।
प्रहरीले हालसम्म एउटा ट्रकलाई पुरिएको स्थानबाट निकालेको छ । ईलाका प्रहरी कार्यालय मुग्लिनको टोलीको नेतृत्वमा स्काभेटरको प्रयोग गरि पहिरो पन्छाउने कार्य भईरहेको छ ।
तस्बिर : विमल खतिवडा/कान्तिपुर