काठमाडौं– काठमाडौंका ७ नगरपालिकामध्ये आज दिउसोसम्म प्राप्त मत परिणाम अनुसार एमाले पहिलो र कांग्रेस दोस्रो स्थानमा छन् भने माओवादी केन्द्रले कुनै पनि नगरपालिकामा अग्रता लिन सकेको छैन ।
एमालेले बुढानीलकण्ठ नगरपालिकामा मतान्तर बढाउँदै लगेको छ । बुढानीलकण्ठका २ वटा वडामा एमालेको प्यानलै विजयी भइसकेको छ । त्यस्तै, शंखरापुर नगरपालिकामा पनि एमालेले अग्रता लिइरहेको छ ।
एमालेले अग्रता लिएका अन्य नगरपालिकामा तारकेश्वर, नागार्जुन, दक्षिणकाली र कीर्तिपुर पनि हुन् । नेपाली कांग्रेसले गोकर्णेश्वर, कागेश्वरी मनहरा, टोखा र चन्द्रागिरी नगरपालिकामा अग्रता लिइरहेको छ ।

चन्द्रागिरीमा कांग्रेसको २,२५६ मत छ भने एमालेको १,११९ र माओवादी केन्द्रको ७९३ मत छ । टोखामा कांग्रेसले १,९९१ र एमलेले १, ४२२ मत प्राप्त गरेका छन् । गोकर्णेश्वरमा कांग्रेस ९४४, मत ल्याएर अगाडि छ । तारकेश्वर नगरपालिकामा ७८७ मत ल्याएर एमाले अग्रस्थानमा छ भने कांग्रेसले ६६७ मत ल्याएको छ । यहाँ माओवादी केन्द्रको १०२ मत छ । बुढानिलकण्ठमा एमालेले १,४९१, कांग्रेस १,१०९ र माओवादी केन्द्रले ३३१ मत प्राप्त गरेका छन् । शंखरापुर नगरपालिकामा एमाले १,४८२, कांग्रेस ९१६ र माओवादी केन्द्रले १, १८८ मत ल्याएका छन् । दक्षिणकाली नगरपालिकामा एमालेले १,३०० मत र कांग्रेसले १,२०० मत प्राप्त गरेका छन् ।