काठमाडौं– सरकारले हिजो सोमबार प्रस्तुत गरेको आगामी आर्थिक वर्षको वार्षिक बजेटले केही चुनौतीपूर्ण लक्ष्य लिएको छ । सरकारले प्रस्तुत गरेको आगामी आर्थिक वर्षको बजेट कार्यान्वयनबाट ७.२ प्रतिशतको आर्थिक वृद्धिदर हासिल हुने लक्ष्य लिएको हो ।
अर्थमन्त्री कृष्णबहादुर महराले आगामी आवको बजेटसँगै मुलुकमा आर्थिक गतिविधिमा उल्लेख्य प्रगति भई तीव्र आर्थिक विकास हुने बताए । उनले बजेट कार्यान्वयन भएपछि नेपाल राष्ट्र बैंकले जारी गर्ने मौद्रिक नीति र आपूर्ति प्रणालीको सुदृढीकरणबाट मुद्रास्फीर्ति ७ प्रतिशतमा सीमित हुने उल्लेख गरे । बजेटले सामाजिक सुरक्षा तथा मानव विकासका सूचकमा उल्लेखनीय प्रगति हुने विश्वास लिएको छ । बजेटको कार्यान्वयनबाट थप एक लाख स्वरोजगार र चार लाख नयाँ रोजगारीका अवसर सिर्जना हुने अपेक्षा गरिएको अर्थमन्त्री महराले बताए ।
त्यसक्रममा सरकारले आगामी आर्थिक वर्ष २०७४र७५ का लागि रु १२ खर्ब ७८ अर्ब ९९ करोड बराबरको बजेट प्रस्तुत गरेको हो । ।
सरकारले चालु खर्चका लागि ८ खर्ब ३ अर्ब ५३ करोड, पुँजीगत खर्चतर्फ ३ खर्ब ३५ अर्ब २७ करोड र वित्तीय खर्चतर्फ १ खर्ब ४० अर्ब २८ करोड छुट्याएको छ ।
यो बजेटको आकार चालु आर्थिक वर्षको भन्दा करिब २२ प्रतिशतले बढी हो । गत वर्ष १० खर्ब ४८ अर्बको बजेट प्रस्तुत भएको थियो ।