राजपासंग मिलेन कुरा

-- नेपाली टाइम्स अस्ट्रेलिया ?>

काठमाडौं– सत्तारुढ दलहरु र राष्ट्रिय जनता पार्टी नेपाल (राजपा) बीच आज आइतबार भएको वार्ता पनि बिना निष्कर्ष टुंगिएको छ । उनीहरुबीच चुनावको मिति सार्ने मागमा कुरा नमिलेको हो ।
प्रधानमन्त्री शेरबहादुर देउवासमेत सहभागितामा सिंहदरबारमा भएको बैठकमा राजपाले निर्वाचनको मिति सार्न र मधेशमा स्थानीय तहको संख्या थप्नु पर्ने माग गरेको थियो ।
राजपाले निर्वाचन मिति सार्न र सर्वोच्चको आदेशलाई ‘भ्याकेट’ गरेर स्थानीय तहको संख्या थप्नुपर्ने लगायतका माग राखेकाले कुरा नमिलेको कांग्रेस नेता रामचन्द्र पौडेलले जानकारी दिएका छन् । पौडेलका अनुसार वार्ताको क्रममा राखिएका माग पुरा गर्न अहिल्यै सम्भव छैन भनिएको छ ।
राजपा नेता अनिल झाले सरकारसँगको वार्ता सफल नभएपछि अब आफूहरु आन्दोलनमा जाने बताए । उनले संविधान संशोधन र स्थानीय तहको संख्या थप नहुँदासम्म निर्वाचनमा नजाने बताएका छन् । ।