काठमाडौं– लोकप्रिय गायक सत्यराज आचार्यको ‘मधुशाला’ एल्बममा समावेश गरिएको ‘नचलाउ मलाई…’ गीतको म्युजिक भिडियो सार्वजनिक भएको छ । किरण कंडेलद्वारा संगीत संयोजन गरिएको उक्त गीतका गीतकार तथा संगीतकार पनि गायक सत्यराज आचार्य नै हुन् ।
अष्ट्रेलियामा छायांकन गरिएको उक्त म्युजिक भिडियोको निर्देशन सुरेन्स फोटोग्राफीको नामले अष्ट्रेलियाको नेपाली समुदायमा परिचित सुरेन श्रेष्ठले गरेका हुन् । दश महिनामा १० वटा भिडियो निर्माण गरेको उक्त टिमको यो भने आठौ म्युजिक भिडियो हो, जसमा स्वयम सुरेन श्रेष्ठले नै अभिनय गरेका छन भने निशा श्रेष्ठले अभिनयमा डेब्यू गरेकी छिन् ।

हरेक म्युजिक भिडियोमा सामाजिक सन्देश दिंदै आएको उक्त टिमको यो भिडियोमा भने एउटा सानो असमझदारीले पनि प्रेम सम्बन्धमा वाधा पु¥याउन सक्छ र समयमै कुराकानी मार्फत सुल्झाउनु पर्छ भन्ने भावना समेटिएको छ ।
उक्त गीतको भिडियोको छायांकन टेक बयलकोटीले गरेका हुन् भने निशान घिमिरे यो भिडियोका सम्पादक हुन् । म्युजिक भिडियोमा सिड्नी, अष्ट्रेलियास्थित लक्ष्मी होम लोनलाई पनि फिचर गरिएको छ । उक्त भिडियोको निर्माण स्याट प्रो (सुरेन्स फोटोग्राफी एन्ड टिम) ले गरेको हो ।
स्मरणरहोस्, सत्यराज आचार्यको ‘मधुशाला’ एल्बम विश्वकै पहिलो ऐतिहासिक एल्बम हो, जसमा एकै जना श्रष्टाले स्वर, संगीत तथा शब्द रचना गरेका छन् ।

यस्तो छ नचलाउ मलाईको म्युजिक भिडियो :