अष्ट्रेलियाको तीज धमाकामा सिन्धु र चन्दा
तीज आउन अझै केही साता बाँकि छ, यद्धपि शहरमा तीजका गीतहरू गुञ्जन थालिसकेका छन् । टेलिभिजनको पर्दादेखि यूट्युब च्यानलहरूमा यो वर्षका तीज विशेष गीतहरू प्रसारण हुन थालिसकेका छन् । नेपालमा मात्र होइन, नजिकिँदै गरेको तीजले विदेशमा बसोबास गर्ने महिला दिदी–बहिनीहरूलाई समेत बिस्तारै व्यस्त बनाउन थाल्दैछ । तीजको अवसर पारेर अष्ट्रेलियामा समेत तीज विशेष कार्यक्रम आयोजना गरिंदैछ । अष्ट्रेलियाका पाँच वटा शहरमा आयोजना हुने ‘तीज धकामा–२०१७’ शीर्षकको कार्यक्रममा सहभागिता जनाउन दुई लोकप्रिय गायिकाहरू सिन्धु मल्ल तथा चन्दा अर्याल अष्ट्रेलियामा पुग्दैछन् । ‘तीज धमाका’ कार्यक्रम जुलाई २३ मा मेलवर्नमा, जुलाई २९ मा सिड्नीमा, जुलाई ३० मा अरेञ्जमा, अगष्ट ३ मा एडिलेडमा तथा अगष्ट ५ मा ब्रिसबेनका सम्पन्न हुनेछ । यी कार्यक्रममा अष्ट्रेलियामै बसोबास गर्ने नेपाली कलाकारहरू पनि सहभागि हुँदैछन् । सिन्धु मल्ल तथा चन्दा अर्याल भने यी सबै कार्यक्रमको प्रमुख आकर्षणको रुपमा रहनेछन् । अष्ट्रेलिया जाने तयारीमा सक्रिय रहेका यी दुई गायिकासंग द नेपाली टाइम्स अष्ट्रेलियाका नेपाल प्रतिनिधि कृष्ण भट्टराईको सेलिब्रेटी टक :
अष्ट्रेलियाको तीज धमाका विशेष हुनेछ ।
सिन्धु मल्ल, गायिका
अष्ट्रेलियामा आयोजना हुने ‘तीज धमाका–२०१७’ कार्यक्रमको तयारी कसरी गर्दै हुनुहुन्छ ?
तीजको अवसर पारेर आयोजना हुन लागेको कार्यक्रमको लागि यतिबेला अन्तिम तयारीमा सक्रिय छु । विभिन्न पाँच शहरमा आयोजना हुने कार्यक्रमका लागि नेपालबाट त्यहाँ बसोबास गर्नु हुने नेपाली दिदी–बहिनीहरूलाई हार्दिक निमन्त्रणा गर्दछु ।
तीज धमाकामा कस्ता गीत गाउँदै हुनुहुन्छ ?
तीज विशेष कार्यक्रम भएकाले मैले गाएका तीजका लोकप्रिय गीतहरू गाउने छु । कतिपय पुराना गीतहरू प्रस्तुत गर्नेछु भने कतिपय नयाँ गीतहरू पनि गाउने छु ।
तेस्रो पटक अष्ट्रेलिया पुग्दै हुनुहुन्छ, यसपटकको भ्रमणका लागि कत्तिको एक्साइटेड हुनुहुन्छ ?
विदेशमा आयोजना हुने कार्यक्रमका लागि हामी नेपाली कलाकारहरू प्राय: एक्साइटेड नै हुन्छौं । त्यसमा पनि नेपाली कलाकारहरूलाई असाध्यै माया गर्ने अष्ट्रेलियाको नेपाल समुदायसमक्ष प्रस्तुत हुन पाउँदाको उत्साहको त वर्णन नै गर्न सक्दिन । म पाँचै वटा शहरका तीज धमाका कार्यक्रमका लागि असाध्यै एक्साइटेड छु ।
तीजका कार्यक्रममा नेपाली दर्शकहरूको सहभागिता कस्तो पाउनु हुन्छ ?
तीज महिलाहरूका लागि विशेष पर्व हो । हामी सहभागि हुने तीज धमाका कार्यक्रममा नेपाली महिला दिदी–बहिनीहरूको उल्लेख्य सहभागिता रहने अनुमान गरेकी छु ।
यहाँबाट उहाँहरूलाई के भन्न चाहानु हुन्छ ?
यो पत्रिका पढिरहनु भएको अष्ट्रेलिया निवासी सम्पूर्ण दिदी बहिनीहरूलाई हामी सहभागि हुने कार्यक्रममा राम्री भएर, चिटिक्क परेर, कम्मर मर्काउने गरी आउनु हुन हार्दिक अनुरोध गर्दछु ।
केही वर्ष सांगीतिक क्षेत्रबाट ओझेल पर्नु भयो नि ?
ओझेल नै त परेको होइन, तर गीत गाउने संख्यामा केही कमि चाहिँ भएकै हो । म व्यवसायमा समेत आवद्ध भएकाले पूर्ण रुपमा संगीतमा समय दिन सकिरहेकी छैन । यद्धपि मैले तीजको बेला भने नयाँ–नयाँ गीतहरू गाइरहेकी छु ।
यो वर्षको तीज गीत कस्तो बनेको छ ?
यसपटक मैले एक नारायण भण्डारीको शब्द तथा सुदाम थापाको संगीतमा ‘घिन घिन मादल बजाउँदै…’ शीर्षकको गीत गाएकी छु । भरखरै यो गीतको म्युजिक भिडियोको छायांकन पनि सम्पन्न भएको छ । केही दिनमै यो गीतले दर्शकहरूको मन जित्ने छ ।
म्युजिक भिडियो चाहिं कस्तो बनेको छ ?
दुई लोकप्रिय अभिनेत्रीहरू वर्षा शिवाकोटी तथा वर्षा राउतले छमछमि नृत्य गरेको म्युजिक भिडियो निकै आकर्षक बनेको छ । निर्देशक सुव्रत आचाय तथा कोरियोग्राफर गम्भिर विष्टले झन्डै ३० जना कोरस सहित नौलो शैलीको म्युजिक भिडियो तयार पार्नु भएको छ ।
अष्ट्रेलिया पहिलो पटक भएकाले एक्साइटेड छु ।
चन्दा अर्याल, गायिका
तीज गीत गाउन थाल्नु भएको कति भयो ?
म विगत छ वर्षदेखि तीजका गीत गाइरहेको छु । झन्डै ८ वटा तीजका गीत गाइसकेकी छु ।
कुन–कुन तीज गीत लोकप्रिय भएका छन् ?
प्राय: सबै गीतहरू नै स्रोता तथा दर्शकले मन पराउनु भएको छ । खासगरि लचक्कै कम्मर तथा मेरो रुपैले भन्ने गीत अत्यधिक लोकप्रिय छन् ।
यो वर्षको तीजका लागि के गाउनु भएको छ ?
यसपटक मैले सिंगल ट्रयाकको रुपमा ‘ओहो महादेव’ गाएकी छु । चाँडै नै यो गीतको म्युजिक भिडियो पनि तयार पार्दैछु । वसन्त सापकोटाको संगीत तथा बाबुराम बोहोराको शब्दमा राम्रो तीज गीत बनेको छ ।
विदेशका कार्यक्रममा कत्तिको सहभागि हुनु भएको छ ?
मैले कतारमा तीन पटक कार्यक्रम प्रस्तुत गरिसकेकी छु । यसबाहेक जापान, बहराइन, दुबई तथा भारतमा समेत सांगीतिक प्रस्तुती दिएकी छु ।
अष्ट्रेलियाको तीज धमाकाको तयारी कस्तो छ ?
म पहिलो पटक अष्ट्रेलिया पुग्न लागेकीले तीज धमाकाको तयारी पनि धमाकेदार नै गर्दैछु । म अष्ट्रेलियावासी दिदी–बहिनीहरूलाई तीजका गीतमा नचाउन आतुर छु ।
दर्शकहरूको कस्तो साथको आशा गर्नु भएको छ ?
अष्ट्रेलियामा बसोबास गर्ने नेपालीहरूले नेपाली कलाकारलाई असाध्यै माया गर्नु हुन्छ भन्ने सुनेकी छु । हाम्रो तीज धमाका कार्यक्रममा उहाँहरूको उत्साहजनक सहभागिता रहनेछ भन्ने कुरामा ढुक्क छु ।
कति वटा गीत प्रस्तुत गर्ने तयारी गर्नु भएको छ ?
समय हेरेर झन्डै एक दर्जन तीज गीत प्रस्तुत गर्ने तयारी गरेकी छु ।
काठमाडौं– क्रिकेटर सन्दीप लामिछानेलाई उच्च अदालत पाटनले बलात्कार मुद्दामा सफाइ दिएको छ...
काठमाडौं- सरकारले महत्वाकांक्षी घोषणासहित नीति तथा कार्यक्रम सार्वजनिक गरेको छ । राष्ट्रपति...
काठमाडौं– ‘दिगो फेसन, सौन्दर्य, जीवनशैली तथा कलाका लागि युवा र महिलाहरूलाई सशक्तिकरण...
काठमाडौँ- उपप्रधान तथा स्वास्थ्य मन्त्री उपेन्द्र यादवले पदबाट राजीनामा दिएका छन् ।...
विराटनगर– कोशी प्रदेशका नवनियुक्त मुख्यमन्त्री हिक्मतकुमार कार्कीले सोमवार विश्वासको मत लिँदैछन्...
काठमाडौं– क्रिकेटर सन्दीप लामिछानेलाई उच्च अदालत पाटनले बलात्कार मुद्दामा सफाइ दिएको छ...
Enjoy the many benefits of starting up tonight hook up tonight for tonight...
Le bref variante: utiliser bons soins de vous fréquemment...
काठमाडौं- सरकारले महत्वाकांक्षी घोषणासहित नीति तथा कार्यक्रम सार्वजनिक गरेको छ । राष्ट्रपति...
काठमाडौं– ‘दिगो फेसन, सौन्दर्य, जीवनशैली तथा कलाका लागि युवा र महिलाहरूलाई सशक्तिकरण...