डा.केसीद्वारा अनशन स्थगित

-- नेपाली टाइम्स अस्ट्रेलिया ?>

काठमाडौं– २२ दिनदेखि आमरण अनशनमा रहेका डा.गोविन्द केसीले मंगलबार साँझ पत्रकार सम्मेलन आयोजना गर्दै अनशन स्थगित गरेको घोषणा गरेका छन् । बाढीपहिरोका कारण देश आक्रान्त बनेको जनाउदै डा.केसीले अनशन स्थगित गरेका हुन । अनशन स्थगित गरेको घोषणा गरे लगत्तै उनलाई ईसीयूमा लगिएको छ ।
पत्रकार सम्मेलनमा जारी विज्ञप्तीमा विपत्तिमा डा.कसीले सबै पक्षको ध्यान केन्द्रीत हुन बाधा नपुगोस् भनेर आफूले सत्याग्रहको कार्यक्रम अहिलेलाई स्थगित गर्ने निर्णय गरेको उल्लेख गरेका छन् ।
स्वास्थ्य क्षेत्र सुधारका लागि शिक्षाविद् केदारभक्त माथेमा नेतृत्वको कार्यदलले दिएको सुझावको आधारमा स्वास्थ्य शिक्षा विधेयक पारित गर्न माग गरी डा.केसी २२ दिनअघि ११ औं पटक अनशनमा बसेका थिए ।