काउन्सिलरको चुनाब लड्दै श्री नापित 

 एनएसडब्लु राज्यको नेपाली समुदायबाट निर्बाचनमा होमिने श्री नापित पहिलो व्यक्ति
-- द नेपाली टाईम्स अस्ट्रेलिया ?>

अस्ट्रेलियाको नेपाली समुदायमा निक्कै पुरानो र परिचित नाम हो  ‘श्री नापित’ ।  एनआरएनएका बिबिध गतिबिधिमा संग्लन रहेर, बिबिध कार्यसमितिमा सफलता पुर्बक जिम्मेवारी निभाई सकेका श्री नापितले बिगतमा अस्ट्रेलिया कै पुरानो संस्था नेप्लिज एसोसियसन अफ अस्ट्रेलियामा समेत सफल नेतृत्व दिइसकेका छन् । यी बाहेक अलिकति फरक किसिमबाट अस्ट्रेलियाको मुलधारको राजनीतमा लामो समय देखि सक्रिय श्री ले यस पटक यहाँ हुदै गरेको काउनसिलको निर्बाचनमा काउन्सिलरको पदमा चुनाब लड्दै छन् । जानकारीमा आए अनुसार नेपाली समुदायबाट अस्ट्रेलियाको राजनीतिमा सक्रिय रहदै निर्बाचनमा होमिने एनएसडब्लु राज्यबाट श्री नापित पहिलो व्यक्ति हुन् । सिड्नीको उतरी भेगमा २ छोरा र श्रीमती संग लामो समय देखि बसोबास गर्दै आएका नापित विलोबी काउन्सिलको नारेम्बर्न वार्डबाट पहिलो नम्बरमा चुनाबमा प्रतिस्पर्धी हुदैछन । करिब १० हजार मतदाता रहेको यो वार्डमा आर्टामोन र सेन्ट लियोनार्द जस्ता सबअर्बहरु पर्दछन ।

नेपाली समुदाय कै यो खुसि खबरमा श्री नापित आफ्ना स्पष्ट एजेन्डा लिएर आगाडी आएका छन् “Responsive, energetic and dedicated to the community ” भन्ने स्लोगन सहित चुनाबी मैदानमा आएका श्री अस्ट्रेलिया बसाइको लामो समय पनि नेपाल कै राजनीति मै रमाउनेहरुको लागि आफैमा गहकिलो उतर बन्ने छन् । त्यसो त उनि नर्थ सिड्नी बोयाज हाई स्कुल प्यारेन्ट एण्ड सिटिजन एसोसियसन जस्तो संस्थाको बर्तमान प्रेसिडेन्ट हुन् भने नर्थन सबअर्ब  डिस्ट्रिक्ट काउनसिलको एक्जुक्युटिभ मेम्बेर पनि हुन्।
यति लामो समय यहाँको कम्युनिटीमा कुनै न कुनै रुपमा सक्रिय सहभागी हुदै आएको छु- श्री नापितले द नेपाली टाईम्स अस्ट्रेलिया संग भने ‘अब यहाँको स्थानीय सरोकारको बिषयमा अस्ट्रेलियन राज्य सरकारले काउनसिल मार्फत कार्यन्वयन गर्ने सबै योजनाहरु मा आबाज पुराउन मैले उम्मेवारी दिएको हुँ ।’  सडक, यातायात व्यस्थापन, बाताबरण प्रदुषण फोहोर र यसको ब्यबस्थापन, पार्क लगयतका धेरै कुराहरु र यस संग जोडिएका अनियमितालाई आफु निर्बाचित भए पश्चात निर्धक्क अगाडी बडाउने पनि उनले जानकारी दिए । उनको टिममा जोयना भिभान्को र ड्यान हांगले उनलाई साथ दिदै संयुक्त रुपमा चुनाबमा जादै छन्।
निक्कै लामो समय सम्म यहाँको लिबरल पार्टीका सक्रिय सदस्य नापित यस पटक भने स्वतन्त्र उम्मेवारको रुपमा चुनाब उठ्दै छन् । उनको स्वतन्त्र उम्मेद्वारी पनि पार्टीकै पोलिसी अन्तर्गत नै हो, काउनसिलका निर्बाचनमा धेरै काउनसिलहरु मा पार्टीले पार्टी ब्यानर मुनि भन्दा पनि आफ्ना सदस्यहरु स्वतन्त्र रुपमा चुनाबमा जाउन भन्ने चाहन्छ, यसै अन्तर्गत श्री नापितको उम्मेदवारी पनि स्वतन्त्र उम्मेवारको रुपमा आएको हो।
उनको वार्डमा नेपालीहरु को न्यून बसोबास रहे पनि उनको यो चुनाबी दौड र अनुभबले यहाँको राजनीतिमा आउन चाहने धेरै नेपालीहरु का लागि श्री नापित मार्गदर्शक अबश्य बन्ने छन् । यो चुनाबी दौडमा सबै नेपाली दाजु भाई दिदि बैनीहरुको सदभाबले आफ्नो मनोबल अझ उच्च हुने पनि नापितले बताए।