काठमाडौं—बिहिबार दिउँसो भारतको राजधानी नयाँ दिल्लीबाट काठमाडौं आउन लागेको नेपाल वायुशेवा निमगको आर.ए.—२०६ बिमानमा बम रहेको हल्ला चलेपछि सुरक्षा जाँचका निम्ति विमानलाई भारतीय सुरक्षाकर्मीले उडान रोक्का गरेका छन् । नयाँ दिल्ली स्थित इन्दिरा गान्धी अन्तर्राष्ट्रिय विमान स्थलमा रहेको नेपाल एयरलाइन्स र एयर इण्डियाको विमान दुबैलाई सुरक्षा जाँच थालिएको छ ।
नियमित तालिकामा दुबै बिमानले उडान भर्न लागेको बेलामा बिमानमा बमको हल्ला चलेको थियो । भारतीय समाचार संस्था एएनआइका अनुसार बिमानका यात्रुहरुलाई बिमान बाट निकालेर यात्रुहरुको ब्यागेज का साथै बिमानमा चेक जाँच शुरु गरिएको जनाएको छ ।
नेपाल एयरालइन्सको विमान नियमित तालिकामा काठमाडौंबाट दिल्ली गएको हो भने दिल्लीबाट काठमाडौं आउन लागेको थियो । त्यस्तै अर्को एयर इण्डियाको बिमान नयाँ दिल्लीबाट भुवनेश्वरतर्फ उड्न लागेको थियो । भारतीय समाचार संस्थाले बिमानमा ४ नेपाली सांसद समेत रहेको जनाए पनि कुन बिमानमा र कुन देशको भने जनाएको छैन ।

तस्बिर : जीत राघव