खड्कालाई निगमबाट नहटाउन सर्वोच्चको आदेश

-- नेपाली टाइम्स अस्ट्रेलिया ?>

काठमाडौं– सर्वोच्च अदालतले आयल निगमका कार्यकारी निर्देशक गोपाल खड्कालाई पदबाट नहटाउन सरकारलाई अन्तरिम आदेश जारी गरेको छ ।
न्यायाधीश पुरुषोत्तम भण्डारीको एकल इजलासले खडकालाई हटाउने मन्त्रिपरिषदको निर्णय कार्यान्वयन नगर्न अन्तरिम आदेश जारी गरेको हो । साथै सर्वोच्चले उनलाई हटाउनुको कारण पेश गर्न सरकारलाई आदेश दिएको छ ।
पेट्रोलियम भण्डारणका लागि संरचना निर्माण गर्न आयल निगमले जग्गा खरिद गर्दा ब्यापक अनियमितता गरेको आरोप खड्कामाथि लागेको छ ।
पाँच वटा संसदीय समितिहरुले आफ्नो अध्ययन्‌मा खडकाले अनियमितता गरेको पुष्टि भएको भन्दै उनलाई बर्खास्त गर्न निर्देशन दिएपछि सरकारले तीन साताअघि खड्कालाई बर्खास्त गरेको थियो ।
व्यवस्थापिका संसदको उद्योग, वाणिज्य तथा उपभोक्त हित सम्बन्ध समिति, सार्वजनिक लेखा समिति, अर्थ समिति, सुशासन तथा अनुगमन समिति र विधायन समितिले खड्काले भ्रष्टाचार गरेको ठहर गरेका थिए ।
लेखा समितिले खडकामाथि थप अनुसन्धान गरी मुद्दा चलाउन अख्तियार दुरुपयोग अनुसन्धान आयोगललाई समेत आग्रह गरेको छ ।
खडकामाथि ग्यास बुलेटको खरिद अनुमति दिंदा, ग्याँस उद्योग खोल्न अनुमति दिंदा, पेट्रोल पम्प खोल्ने इजाजत दिंदा समेत अनियमतता गरेको आरोप छ ।