देउवा सरकारमा सहभागी हुँदै राप्रपा

-- नेपाली टाइम्स अस्ट्रेलिया ?>

काठमाडौं– कमल थापा नेतृत्वको राष्ट्रिय प्रजातन्त्र पार्टी (राप्रपा) शेरबहादुर देउवा नेतृत्वको सरकारमा सहभागी हुने निश्चित भएको छ । आज सोमबार बिहान बसेको कार्यसम्पादन बैठकले शेरबहादुर देउवा नेतृत्वको सरकारमा सहभागी हुने निर्णय गरेको हो ।
कार्यसम्पादन बैठकमा अध्यक्ष थापाले सरकारमा उपप्रधान तथा गृहमन्त्रालयसहित चार मन्त्रालय पाउने जानकारी गराएका छन् । थापाले नेपाली कांग्रेस नेतृत्वको लोकतान्त्रिक गठबन्धनमा प्रतिनिधि सभाका लागि ७–८ सिट तथा प्रदेश सभा लागि २५–३० सिट मागेको जानकारी गराएका थिए । नेता थापाले बालुवाटार बैठकबाट चार मन्त्रालय टुंगो लगाएर आएपछि पुन: कार्यसम्पाद बैठक बसी सरकारमा सहभागी हुने सांसदहरुको टुंगो लगाउनेछन् ।
माओवादी केन्द्रले नेकपा एमालेसँग पार्टी एकीकरणसहितको एजेन्डा बोकेर चुनावी तालमेल गरेपछि प्रधानमन्त्री देउवले माओवादी मन्त्रीहरुलाई बर्खास्त गरी राप्रपालाई सरकारमा सहभागी गराउने निर्णय गरेको बताइन्छ ।