एक भए कांग्रेस र नेपाल लोकतान्त्रिक फोरम

-- नेपाली टाइम्स अस्ट्रेलिया ?>

काठमाडौं– नेपाली कांग्रेस र विजय गच्छदार नेतृत्वको नेपाल लोकतान्त्रिक फोरमबीच एकता भएको छ । प्रधानमन्त्री निवास बालुवाटारमा सोमबार आयोजित पार्टी एकता कार्यक्रममा नेपाली कांग्रेस र लोकतान्त्रिक फोरमबीच एकता भएको हो ।
पार्टी एकताको दस्तावेजमा नेपाली कांग्रेसका सभापति शेरबहादुर देउवा र फोरम अध्यक्ष विजय गच्छदारले हस्ताक्षर गरेका छन् । गच्छदारले दश वर्ष अघि कांग्रेस त्यागेर उपेन्द्र यादव नेतृत्वमा मधेसी जनअधिकार फोरम गठन गरेका थिए । त्यसपछि मधेसी जनअधिकार फोरम फुटाएर गच्छदारले मधेसी जनअधिकार फोरम लोकतान्त्रिक गठन गरे । केहीसमय अघि मात्रै गच्छदारले संसद्‍मा प्रतिनिधित्व गर्ने चार साना दलसँग एकीकरण गरेर नेपाल लोकतान्त्रिक फोरम बनाएका थिए ।