सूर्यलाई अर्घ्य दिएपछि सकियो छठ

-- नेपाली टाइम्स अस्ट्रेलिया ?>

काठमाडौं– उदाउँदै गरेको सूर्यलाई शुक्रबार बिहान अर्घ्य दिएपछि चारदिने अनुष्ठानको पर्व छठ सम्पन्न भएको छ । बिहिबार साँझ अस्ताउँदै गरेको सूयको उपसाना गरेका श्रद्धालुले रातभर जाग्राम बसी बिहान उदाउँदै गरेको सूर्यलाई अर्घ्य दिई उपसान गरेपछि छठ सम्पन्न भएको हो ।
कात्तिक शुक्ल षष्ठीका दिन सूर्यलाई विशेष विधिपूर्वक अर्घ्य दिएर छठ पर्व मनाइन्छ । सँझिया घाटे भनिने यस दिनलाई मुख्य दिनको रुपमा हेरिन्छ । छठ पर्व विशेष गरी नेपालको मध्य र पूर्वी तराई तथा काठमाडौं उपत्यका र केही पहाडी क्षेत्रमा पनि उल्लासका साथ मनाउने गरिन्छ ।
विशेष नियम र निष्ठासाथ मनाइने छठ पर्वका लागि तीनदिन अघिदेखि नैै नदी, पोखरी तथा जलाशयहरु सिँगारेर झकिझकाउ पारिएको थियो ।
सत्य र अहिंसा प्रति मानवको रुचि बढाउने र सबै जीव प्रति सहानुभूति राख्न अभिप्रेरित गर्ने तराईवासीको महान् चाड छठ पर्व मंगलवार देखि शुरु भएको थियो ।