काठमाडौं– पृथ्वी राजमार्गको धादिङ खण्डमा त्रिशुली नदीमा शनिवार बिहान एउटा यात्रुबस सडकबाट खस्दा ज्यान गुमाउनेको संख्या ३१ पुगेको धादिङका प्रमुख जिल्ला अधिकारीले बताएका छन् । सप्तरीको राजविराजबाट काठमाडौं आउँदै गरेको ना ६ ख १४६७ नम्बरको बस शनिबार बिहान करिब ६ बजेतिर त्रिशुली नदीमा खसेको छ । बस नदीमा डुबेको प्रहरीले जनाएको छ । दुर्घटनामा परी ११ जनाको निधन भएको समेत प्रहरीले उल्लेख गरेको छ ।
धादिङको गजुरी गाउँपालिका ५ बांगेमोडबाट त्रिशूली नदीमा बस खस्दा चार जनाको मृत्यु भएको हो । दुर्घटनामा १५ जना घाइते भएका छन् ।
जिल्ला प्रशासन कार्यालय धादिङले दिएको जानकारी अनुसार दुर्घटनास्थलमा दुई महिला र दुई पुरुषको शव भेटिए पनि उनीहरुको सनाखत भएको छैन ।
दुर्घटनामा घाइते १५ जनामध्ये गम्भीर घाइते दुई जनालाई उपचारका लागि काठमाडौंको ट्रमा सेन्टरमा लगिएको छ । अन्य १३ जना घाइतेको स्थानीय गजुरी सामुदायीक अस्पतालमा उपचार भइरहेको छ ।
बसलाई क्रेनको सहायताले बाहिर निकाल्ने प्रयास भइरहेको छ । बसमा कति यात्रु थिए भन्ने एकीन अझै हुन सकेको छैन ।
घटनास्थलमा नेपाली सेना, सशस्त्र प्रहरी र नेपाल प्रहरीको टोली उद्धारका लागि परिचालन गरिएको छ ।