आयोगले दियो सर्वोच्चलाई लिखित जवाफ

-- नेपाली टाइम्स अस्ट्रेलिया ?>

काठमाडौं– निर्वाचन आयोगले मतपत्र छपाइ सम्बन्धमा सर्वोच्च अदालतले गरेको फैसलाको सोमबार लिखित जवाफ दिएको छ । आयोगले सोमबार छुट्टा–छुट्टै मतपत्र छपाइसम्बन्धी अदालतको अवहेलना मुद्दामा लिखित जवाफ पेस गर्दै छुट्टा–छुट्टै मतपत्र छपाइ प्रारम्भ भएको जानकारी दिएको हो ।
सर्वोच्च अदालतमा बुझाइएको जवाफमा आयोगले अदालतको आदेशानुसार बझाङ, बाजुरा, बैतडी र जाजरकोटलगायत ५ जिल्लामा छुट्टा–छुट्टै मतपत्र छाप्न सुरु गरेको जनाएको सर्वोच्च अदालतका सहरजिष्ट्रार नारायणप्रसाद पन्थीले जानकारी दिए ।
उक्त मुद्दामा प्रधानमन्त्री शेरबहादुर देउवालाई पनि विपक्षी बनाइएकाले प्रधानमन्त्रीको लिखित जवाफ आएपछि आगामी कात्तिक १५ गते मुद्दाको पेसी राखिएको र उक्त दिन अन्तिम सुनुवाइ हुने अदालतले जनाएको छ ।