चिनियाँ टोलीले थाल्यो रेलमार्गको अध्ययन

-- नेपाली टाइम्स अस्ट्रेलिया ?>

काठमाडौं– नेपालमा रेल मार्गको निर्माणका लागि सम्भावित ठाउँहरूको अध्ययन गर्नका लागि चिनियाँ टोली नेपाल आएको छ । उक्त टोलीले त्यसका लागि स्थलगत अध्ययन भ्रमण थालेको छ। रेल विभागको अधिकारीहरूसहित चिनियाँ विज्ञ टोलीले मंगलबार केरुङ–काठमाडौं खण्डको सम्भावित रेल मार्गको स्थलगत अध्ययन भ्रमण थालेको हो।

प्राविधिकसहितको चिनियाँ विज्ञ टोलीले नेपालमा रेल मार्ग बनाउन सम्भाव्यता भएका ठाउँहरू केरुङ–काठमाडौं खण्ड सम्पन्न गरेर पोखरा–काठमाडौं र पोखरा–लुम्बिनी जोड्ने रेलमार्गको स्थलगत अध्ययन भ्रमण गर्ने रेल विभागका सिनियर डिभिजनल इन्जिनियर प्रकाशभक्त उपाध्यायले जानकारी दिएका छन् ।
उनका अनुसार उक्त टोली भ्रमण सकाएर शुक्रबार समीक्षा बैठक बस्ने छ । उक्त टोली शनिबार चीन फर्कने भएको छ। चिनियाँ उपमन्त्रीसहितको २३ सदस्यीय उच्चस्तरीय प्रतिनिधिमण्डलको टोली नेपाल सरकारको निमन्त्रणमा सोमबार काठमाडौं आइपुगेको थियो।