भारतकी मानुषीले जितिन् विश्वसुन्दरीको ताज

-- नेपाली टाइम्स अस्ट्रेलिया ?>

काठमाडौं- २०१७ को विश्वसुन्दरीको ताज भारतकी मानुषी चिल्लरले पहिरिएकी छन् । चीनको सनायामा शनिवार साँझ सम्पन्न ६७ औं संस्करणको विश्वसुन्दरी प्रतियोगितामा १ सय ७ देशकी सुन्दरीलाई पछि पार्दै भारतीय सुन्दरी चिल्लरले १७ वर्षपछि उपाधि भारतमा ल्याउन सफल भईन् ।
चिकित्सा शिक्षा अध्ययनरत हरीयाणाकी २० वर्षीया चिल्लर विश्वसुन्दरीको ताज पहिरिने छैठौं भारतीय हुन् । सन् २००० मा भारतकी प्रिंयका चोपडाले विश्वसुन्दरीको ताज पहिरेकी थिइन् ।
यो प्रतियोगिताम इङल्याण्डकी स्टेफ्नी हिल फष्ट रनर अफ र मेक्सिकोकी एन्ड्रा मेजा सेकेण्ड रनरअप भइन् ।
विश्व सुन्दरी प्रतियोगितामा सहभागी मिस नेपाल निकिता चाण्डक भने उत्कृष्ट चालिस भित्र पर्न सफल भएकी थिईन् ।