काठमाडौं- हिमाली र उच्ची पहाडी ३२ जिल्लामा मतदान जारी छ । प्रतिनिधिसभा र प्रदेशसभा सदस्य चयनका लागि मतदाताहरू आज आइतबार विहानैदेखि लामवद्ध भएर मतदानमा सहभागी भएको निर्वाचन आयोगले जनाएको छ । प्रत्यक्ष निर्वाचन प्रणालीतर्फ प्रतिनिधिसभाका ३७ र प्रदेशसभासभातर्फका ७४ सांसद् चयनका लागि मतदान भईरहेको हो ।
पहिलो चरणमा निर्वाचन भएको ३२ जिल्लामा कुल ३१ लाख ९१ हजार ९४५ मतदाता छन् । विहान ७ बजे शुरु भएको मतदान साँझ पाँच वजेसम्म जारी रहनेछ ।
मतगणना भने दोस्रो चरणको निर्वाचनपछि मात्रै हुने आयोगका प्रवक्ता नवराज ढकालले जानकारी दिए । ४५ जिल्लाका मतदाताले भने २१ मंसिर आफ्नो मताधिकार प्रयोग गर्नेछन् ।
मुलुकका हिमाली र उच्च पहाडी क्षेत्रका ३२ जिल्लामा पहिलो चरणको प्रतिनिधिसभा र प्रदेशसभा सदस्य निर्वाचनको मतदान कार्य बिहान ७ बजेदेखि नै प्रारम्भ भएको हो ।
प्रदेश नं १ का ७, प्रदेश नं ३ का ६, प्रदेश नं ४ का ६, प्रदेश नं ५ का २, प्रदेश नं ६ का ७ र प्रदेश नं ७ का ४ जिल्लामा निर्वाचन भइरहेको हो । चिसो मौसमका बाबजुद पनि निकै उत्साहका साथ मतदाता बिहान सबेरैदेखि मतदान केन्द्रमा पुगेर लामबद्ध भएर बसिसक्नु भएको तथा अहिले मतदान कार्य जारी रहेको निर्वाचन आयोगका प्रवक्ता नवराज ढकालले जानकारी दिएका छ्न ।
प्रतिनिधिसभा र प्रदेशसभा सदस्य निर्वाचनतर्फ पहिलो हुने निर्वाचित हुने प्रणालीतर्फ पहिलो चरणको निर्वाचनमा ७०२ उम्मेदवार चुनावी प्रतिस्पर्धामा छन् । । यो निर्वाचनमा ३१ लाख ९१ हजार ९४५ मतदाताले मताधिकार प्रयोग गगिररहेका छन् ।
पहिलो चरणको निर्वाचनमा दुई हजार ९१९ मतदानस्थल र चार हजार ४६५ मतदान केन्द्र कायम गरिएको निर्वाचन आयोगले जनाएको छ । अहिले ५ बजेसम्म मतदान केन्द्रमा प्रवेश गरिसकेका मतदाताले मात्रै मतदान गर्न पाउनु हुने हँुदा सबै मतदाताले एक दिन राष्ट्रका लागि समय प्रदान गरी मतदानमा सरिक भई आफूले रोजेको योग्य उम्मेदवारलाई निर्वाचित गराउन निर्वाचन आयोगले आम मतदातालाई आह्वान गरेको छ ।
नेपालको संविधान, संघीयता र गणतन्त्र कार्यान्वयन गर्ने सिलसिलामा यो निर्वाचन हुन लागेको हो ।