विनोद र रिन्जिलाको मिठो प्रस्तुती

-- नेपाली टाइम्स अस्ट्रेलिया / प्रकाशित मिति : सोमवार, मंसिर ११, २०७४

प्रदीप पोखरेलको शब्द तथा राजेन्द्र बजगाईंको संगीतमा गायक रियाज पोखरेलको ‘कति मिठो’ बोलको गीतको म्युजिक भिडियो सार्वजनिक भएको छ । प्रेमरसमा आधारित गीतको म्युजिक भिडियोलाई हेल्लो अष्ट्रेलिया टिभी टिमले बनाएको छ । भिडियोको छायांकन, निर्देशन तथा सम्पादन मेल्वर्नवासी नेपाली जीवन रसाइलीले गरेका हुन् । म्युजिक भिडियोलाई गोल्डन कंगारु फिल्मसले पोस्ट प्रोडक्सन गरेको छ ।
यो रमाइलो गीतको म्युजिक भिडियोमा विनोद भण्डारी र रिन्जिला प्रधानले अभिनय गरेका छन् । नेपाली पोशाकमा सजिएर नाचिरहेका मोडलहरुको अभिनयले गीतको भावलाई उजागर गरेको छ । नेपाली समुदायको विभिन्न अन्य कार्यक्रममा समेत आफ्नो सधै राम्रो प्रस्तुती दिने विनोद र रिन्जिलाले आफ्नो प्रस्तुतीलाई दर्शकहरुले मन पराएर यतीधेरै हेरिदिएकोमा पनि धन्यवाद दिएका छन् ।