पोर्चुगल कांग्रेसको नेतृत्वका लागि तीन जनाबीच प्रतिस्पर्धा
शर्मा, घिमिरे र गौतमबीच रस्साकस्सी
लिस्बन, पोर्चुगल ।
नेपाली कांग्रेसको प्रवासी भ्रातृ संगठन नेपाली जनसम्पर्क समिति पोर्चुगलको भावी नेतृत्वका लागि तीन जनाबीच प्रतिस्पर्धा हुने भएको छ ।
समितिको पाँचौं अधिवेशन अन्तर्गत आगामी शनिबार हुने निर्वाचनका लागि अध्यक्ष पदमा वर्तमान उपाध्यक्ष सुशील शर्मा, महामन्त्री विनोद घिमिरे र पूर्व उपाध्यक्ष राजकुमार गौतमले उम्मेदवारी दिएका छन् ।
शर्मा र घिमिरे पछिल्ला दुई कार्यकाल लगातार उपाध्यक्ष र महामन्त्री रहेका छन् ।
आगामी आइतबार लिस्बनमा औपचारिक उद्घाटन हुने भएपनि निर्वाचन कार्यतालिका अनुसार नयाँ कार्य समिति चयनका लागि शनिबार नै निर्वाचन हुने छ । सकेसम्म सहमतिमा नै कार्य समिति चयन गरिने र अन्तिम समयसम्म सहमति हुन नसके मात्रै मतदान गराइने जनाइएको छ ।
आगामी नेतृत्वका लागि विशेषगरी शर्मा र घिमिरेबीच प्रतिस्पर्धा हुने बताइएको छ । लगातार दुइ कार्यकाल समितिमा रहेकाले पनि उनीहरुबीच तीव्र प्रतिस्पर्धा हुने देखिएको हो ।
नवलपरासीका शर्मा प्रष्ट वक्ता र खरो स्वभावका छन् भने अर्घाखाँचीका घिमिरे नरम मिजासका मानिन्छन् । नेपालको पछिल्लो राजनीतिक अवस्था र पार्टीको अवस्थाका कारण पनि शर्मालाई अध्यक्ष बनाएर संगठनलाई चलायमान बनाउनुपर्ने पोर्चुगलका अगुवा कांग्रेसहरुको धारणा रहेको छ ।
अध्यक्षसँगै अर्को महत्वपूर्ण पद महामन्त्रीका लािग तीन जनाले उम्मेदवारी दिएका छन्। पुरुषोत्तम सुवेदी, बैकुण्ठ गौतम र जयभद्र सापकोटा महामन्त्रीका आकांक्षी देखिएका छन् । अन्य पदमा सहमति भए महामन्त्रीमा पनि सहमति हुनसक्ने सुवेदीले बताए । त्यस्तै, तीन उपाध्यक्षका लागि आधा दर्जन भन्दा बढीले उम्मेदवारी दिएका छन्।
सहमतिका लागि पहल
ंभएको छ । सहमतिको पहलका लागि अध्यक्ष लक्ष्मीप्रसाद सापकोटाको संयोजकत्वमा पाँच सदस्यीय उच्चस्तरीय कार्यदल गठन भएको छ । कार्यदलमा संस्थापक पूर्ण हमाल, एनआरएन पोर्चुगलका अध्यक्ष कुबेर कार्की, पूर्व अध्यक्ष रमेश गुरुंग र नारी समाजकी अध्यक्ष सीता बराल रहेका छन् । सहमतिका लागि अन्तिम समयसम्म पहल गरिने अध्यक्ष सापकोटाले बताए ।
अधिवेशनसँगै यूरोप भेला
जनसम्पर्क समिति पोर्चुगलको अधिवेशनसँगै कांग्रेसको यूरोप भेला पनि हुने भएको छ । आगामी शनिबार हुने भेलाको उद्घाटन कांग्रेस उपसभापति विमलेन्द्र निधिले गर्ने छन् । भेलामा यूरोपका सबै देशमा रहेका जनसम्पर्क समितिका अध्यक्ष तथा यूरोप समन्वय समितिका पदाधिकारी तथा सदस्यहरु सहभागी हुने समन्वय समितिका उपाध्यक्ष पूर्ण हमालले जानकारी दिए । उनका अनुसार भेलामा जनसम्पर्क समितिसँग सम्बन्धित विषयहरुलाई पार्टीको विधानमा कसरी समावेश गर्न सकिन्छ भन्ने लगायतका विषयमा सहभागी र पार्टी नेताहरुबीच छलफल हुने छ । तर, विधानमा नै नरहेको समन्वय समितिका नाममा भेला गर्न खोजिएको भन्दै यूरोपमा रहेका नौ वटा जनसम्पर्क समितिका अध्यक्षहरुले उक्त भेला औचित्यहीन र विधानविपरीत भएको भन्दै आलोचना गरेका छन् ।
क्यान्वेरा– अष्ट्रेलियाको राजधानी क्यान्वेरामा आयोजित एक कार्यक्रममा सञ्चारकर्मी प्रदीप तिमल्सीना तथा अभिषेक...
काठमाडौं- संघीय संसदको प्रतिनिधि सभामा हात हालाहालको स्थिति सिर्जना भएपछि बिहीबार साँझ...
काठमाडौं– क्रिकेटर सन्दीप लामिछानेलाई उच्च अदालत पाटनले बलात्कार मुद्दामा सफाइ दिएको छ...
काठमाडौं- सरकारले महत्वाकांक्षी घोषणासहित नीति तथा कार्यक्रम सार्वजनिक गरेको छ । राष्ट्रपति...
काठमाडौं– ‘दिगो फेसन, सौन्दर्य, जीवनशैली तथा कलाका लागि युवा र महिलाहरूलाई सशक्तिकरण...
क्यान्वेरा– अष्ट्रेलियाको राजधानी क्यान्वेरामा आयोजित एक कार्यक्रममा सञ्चारकर्मी प्रदीप तिमल्सीना तथा अभिषेक...
काठमाडौं- संघीय संसदको प्रतिनिधि सभामा हात हालाहालको स्थिति सिर्जना भएपछि बिहीबार साँझ...
काठमाडौं– क्रिकेटर सन्दीप लामिछानेलाई उच्च अदालत पाटनले बलात्कार मुद्दामा सफाइ दिएको छ...
Enjoy the many benefits of starting up tonight hook up tonight for tonight...
Le bref variante: utiliser bons soins de vous fréquemment...