संयुक्त राष्ट्रसंघले म्यान्मारका सैनिक प्रमुखसहित ५ उच्च अधिकारीहरूले रोहिंग्याविरुद्ध नरसंहार गरेको दावी गर्दै अन्तर्राष्ट्रिय अदालतमा मुद्दा लगाउनु पर्ने जनाएको छ । साथै उसले सेनाप्रमुख मिन आउङ हालिङले राजीनामासमेत माग गरेको छ । राखिने राज्यमा फैलिएको हिंसापछि विस्थापित सयौं मासिनसँग गरेको अन्तर्वार्तापछि सार्वजनिक प्रतिवेदनले राष्ट्रसंघले म्यान्मारको सेनाविरुद्ध हालसम्मकै कडा भत्र्सना गरेको हो । अगष्ट २७ मा सार्वजनिक प्रतिवेदनमा ‘राखिने राज्यमा रोहिंग्याविरुद्धको कारबाही मानवताविरुद्धको अपराध तथा युद्धअपराध हो’ उल्लेख छ । जेनेभामा पत्रकारहरूसँग कुरा गर्दै म्यान्मारका लागि राष्ट्रसंघीय नियोग प्रमुख मर्ज‘की डरुस्म्यानले सेनाप्रमुखले तत्काल पदबाट राजीनामा दिनुपर्ने बताए । सन् २०१७ मा राष्ट्रसंघले गठन गरेको नियोगले आफ्नो प्रतिवेदन बुझाएको हो । उक्त प्रतिवेदनमा ‘म्यान्मारको सैनिक नेतृत्वविरुद्ध अनुसन्धान र अभियोगका लागि पर्याप्त सूचना भएको’ उल्लेख छ  । डरुस्म्यानले रोहिंग्यामाथि भएको नरसंहारको अध्ययनका क्रममा ८ सय ७५ जनासँग अन्तर्वार्ता गरेको जनाएका छन् ।