राई भए अन्तर्राष्ट्रिय यातायात मजदुर महासंघमा पुग्ने पहिलो नेपाली

-- नेपाली टाईम्स अष्ट्रेलिया ?>

काठमाडौं– नेपाल ट्रेड युनियन कांग्रेसका उपाध्यक्ष अजयकुमार राई अन्तर्राष्ट्रिय यातायात मजदुर महासंघ आइटिएफको विश्व कार्यसमितिको सदस्यमा निर्वाचित भएका छन । यो संग उनी आइटिएफको इतिहासमा नेपालको प्रतिनिधित्व गर्ने पहिलो व्यक्ति बन्न सफल भएका छन् ।
सिंगापुरमा जारी अन्तर्राष्ट्रिय यातायात मजदुर महासंघ आइटिएफको ४४ औं महासभाअन्र्तगत राई पाँच वर्षे कार्यकालका लागि निर्वाचित भएका हुन् । यससँगै महासभा बैठकबाट विश्व सडक सञ्जालतर्फको उपाध्यक्षमा पनि निर्वाचित भएको सिंगापुरमा रहेका राईले जानकारी दिएका छन् ।
नेपाल यातायात मजदुर संघबाट महासभामा सहभागी राई संघको वर्तमान सल्लाहकार तथा निवर्तमान अध्यक्ष पनि हुन् ।
राईले यसअघि दक्षिण अफ्रिका, मेक्सिको, बुल्गेरियामा आयोजित महासभामा समेत सहभागिता जनाइ सकेका छन् । सिंगापुरमा जारी महासभामा विश्वका विभिन्न राष्ट्रका २ हजार ५ सय जना यातायात मजदुर नेताहरुको सहभागिता रहेको छ । विराटनगरका स्थायी बासिन्दा राई तीनदशकदेखि यातायात मजदुरको क्षेत्रमा कार्यरत छन् ।