अक्टाेवर महिनाका विश्व घटनाहरु
इन्डोनेसियामा विमान दुर्घटना
एक सय ८८ जना यात्रु बोकेको लायन एयरको बोइङ–७३७ विमान अक्टोबर २९ का दिन दुर्घटना भएको छ । इन्डोनेसियाको राजधानी जकर्ताबाट पाङ्काल पिनाङका लागि गइरहेको उक्त विमान समुद्र कट्ने बेलामा सम्पर्क विहीन बनेको थियो । ’विमान समुद्रमा दुर्घटना भएको छ’ राष्ट्रिय खोज तथा उद्धार निकायका प्रवक्ता युसुफ लतिफका अनुसार विमानको भग्नावेश र विमान सवारहरुको खोजीकार्य गरिरहेका भैरहेको छ । विमानमा १ सय ७८ जना वयस्क, एक शिशु तथा दुई बच्चा, दुई पाइलट तथा ५ जना चालक दलका सदस्यहरु सवार रहेको लाइन एयरले प्रेस विज्ञाप्ती मार्फत जनाएको छ । दुर्घटनापछि कसैलाई पनि जिवितै उद्धार गर्न सकिने सम्भावना न्यून रहेको समाचारमा जनाइएको छ ।
भारतीय टेलिभिजन प्रतिवन्ध
पाकिस्तानको सर्वोच्च अदालतले भारतका सबै टेलिभिजन च्यानलमाथि पुन: प्रतिबन्ध लगाएको छ । लाहोर उच्च अदालतको यसअघिको निर्णय उल्टाउँदै सर्वोच्चले पुन: प्रतिबन्ध लगाउन आदेश दिएको हो । प्रधानन्यायाधीश साकिब निसारले पाकिस्तान भएर बग्ने नदीमा भारतले बाँध निर्माण सुरु गरेको जनाउँदै भारतीय टेलिभिजन च्यानलमाथिको प्रतिबन्ध उचित भएको बताए । लाहोर उच्च अदालतको आदेश उल्टाउँदै प्रधानन्यायाधीश निसारले भने–‘भारतले पाकिस्तान भएर बग्ने पानीको बहावलाई सीमित पारिरहेको छ भने हामीले उनीहरूका च्यानल किन बन्द नगर्ने ?’ पाकिस्तानमा हुने सिँचाइमध्ये करिव ८२ प्रतिशत सिन्धु र त्यसका सहायक नदीको पानीमा भर पर्छ । भारतद्वारा निर्मित बाँध अस्त्रको रूपमा प्रयोग हुने पाकिस्तानको दावी छ । यद्यपि, भारतले आफ्नो आवश्यकता अनुसार बाँध निर्माण गरेको जनाउँदै पाकिस्तानको आरोप अस्वीकार गर्दै आएको छ । पाकिस्तानमा भारतीय टेलिभिजन च्यानलका कार्यक्रम र चलचित्र लोकप्रिय मानिन्छन्, तर दुई देशबीच समय–समयमा हुने तनावका बेला पाकिस्तानले तिनीहरूमाथि प्रतिबन्ध लगाउने गरेको छ । पाकिस्तानले पहिलोपटक सन् १९६५ मा भारत–पाक युद्धपछि भारतीय चलचित्रमाथि प्रतिबन्ध लगाएको थियो ।
ट्रम्प भारत नजाने
भारतले गणतन्त्र दिवस समारोहको प्रमुख अतिथिका लागि गरेको निम्तो अमेरिकी राष्ट्रपति डोनाल्ड ट्रम्पले अस्वीकार गरेका छन् । करिब २ महिनाअघि नै ट्रम्पलाई निमन्त्रणा गरिएको भए पनि राष्ट्रपतिले अस्वीकार गरेको ह्वाइटहाउसकी प्रेस सचिव सराह हकाबी स्यान्डर्सले पुष्टि गरेकी हुन् । यद्यपि, भारतीय सञ्चारमाध्यमले ट्रम्प भारत भ्रमणका लागि इच्छुक भए पनि व्यस्त तालिकाका कारण आउन नसकेको दावी गरेका छन् । राष्ट्रिय सुरक्षा सल्लाहकार अजित डोभलको भनाइ उद्धृत गर्दै अमेरिकी राष्ट्रपति ट्रम्पको पत्रमा उनले आफू भारत भ्रमणमा आउन नपाएकोमा दु:ख लागेको उल्लेख गरेको जनाएका छन् । भारतीय सञ्चारमाध्यमका अनुसार विगत केही सातादेखि अमेरिकी अधिकारीले भ्रमणमा ढिलाइ हुन सक्ने बताउँदै आएका थिए । भारतीय विदेश मन्त्रालय र भारतस्थित अमेरिकी दूतावासले भने यस विषयमा हालसम्म कुनै प्रतिक्रिया जनाएका छैनन् । पछिल्लो समय भारतले रुसबाट हतियार तथा इरानसँग तेल खरिद सम्झौता गरेपछि दुई देशबीचको सम्बन्ध चिसिएको छ । अमेरिकाले भारतलाई इरानसँग तेल खरिद नगर्न चेतावनी दिएको थियो । राष्ट्रसंघका लागि तत्कालीन अमेरिकी राजदूत निक्की हलीले गरेको भारत भ्रमणका बेला इरानसँग तेल खरिद नगर्न चेतावनी दिएकी थिइन् ।
श्रीलंकामा राजनीतिक संकट
श्रीलंकामा दुई नेताले आफूलाई प्रधानमन्त्री दावी गरिरहेका बेला राष्ट्रपति र सभामुख फरक फरक कित्तामा देखिएका छन् । राष्ट्रपति मैत्रीपाला सिरिसेनाद्वारा अपदस्त गरिएका प्रधानमन्त्री रनिल विक्रमासिङ्घेलाई नै सभामुखले प्रधानमन्त्रीको रुपमा मान्यता दिएपछि राष्ट्रपति र सभामुख नै फरक फरक कित्तामा देखिएका हुन् । सभामुख कारु जयसुरियाले विक्रमासिङ्घे नै वैधानिक प्रधानमन्त्री भएको र राष्ट्रपतिले प्रधानमन्त्रीलाई अपदस्त गर्न नमिल्ने तर्क गरेका छन् । राष्ट्रपति सिरिसेनाले प्रधानमन्त्री पदबाट विक्रमासिङ्घेलाई हटाउन पनि नमिल्ने र महिन्दा राजापाक्षेलाई नियुक्त गर्न पनि नमिल्ने सभामुखको भनाई छ । अर्को व्यक्तिले संसदमा आफ्नो पक्षमा बहुमत पुष्टी नगर्दासम्म विक्रमासिङ्घेले नै प्रधानमन्त्रीको भूमिका निर्वाह गर्न पाउनु पर्ने उनले बताए । राष्ट्रपतिद्वारा नयाँ प्रधानमन्त्रीका रुपमा नियुक्त हुनुभएका राजापाक्षेको पार्टीले भने संसदमा राजापाक्षेले बहुमत देखाउन सक्ने दावी गरेको छ । त्यसैगरी अपदस्त प्रधानमन्त्री विक्रमासिङ्घेले पनि संसदमा आफ्नो बहुमत रहेको बताउँदै आएका छन् । आफ्नो बहुमत देखाउन अपदस्त प्रधानमन्त्री विक्रमासिङ्घेले तत्काल संसद बैठक बोलाउन माग गरिरहेका बेला राष्ट्रपति सिरिसेनाले भने अक्टोबर २७ को संसद्को बैठक स्थगित गरिदिएका छन् । संसदमा आफूमाथि हुन सक्ने चुनौती पन्छाउन उनले संसद अधिवेशन आगामी नोभेम्बर १६ सम्मका लागि स्थगित गरेका हुन् ।
अमेरिकामा अर्को गोलीकाण्ड
अमेरिकाको पिट्सबर्गको यहुदी प्रार्थनाघरमा एकजना बन्दुकधारीले अक्टोबर २७ का दिन अन्धाधुन्ध गोली हानी ११ जनाको हत्या गरेका छन् । अमेरिकी इतिहासमा यहुदी समुदायका व्यक्तिलाई लक्षित गरेर हत्या गरिएको यो सबैभन्दा ठूलो घटना हो । बच्चाको न्वारान कार्यक्रममा ‘ट्री अफ लाइफ’ नामको प्रार्थनाघरमा भेला भएका व्यक्तिहरुमाथि ४६ वर्षीय रोबर्ट वोअर्सले अन्धाधुन्ध गोली चलाएको प्रार्थनाघरमा रहेका व्यक्तिको भनाइ उद्धृत गर्दै प्रहरीले जनाएको छ । ’सबै यहुदी मर्नै पर्छ’ भन्दै रोबर्टले गोली चलाउन सुरु गरेका थिए । प्रहरीले बन्धुकधारीलाई घाइते अवस्थामा पक्राउ गरेको छ । उनीमाथि फौजदारी अभियोगसँग सम्बन्धित २९ वटा मुद्दा दर्ता गरिएको छ । संघीय अभियोजनकर्ताहरुले हत्यामा संलग्न रोबर्टमाथि लगाइएका मुद्दाका आधारमा मृत्युदण्ड समेत हुनसक्ने बताएका छन् । राष्ट्रपति डोनाल्ड ट्रम्पले सर्वसाधारणमाथि गोली चलाएर भएको आमहत्याको भत्सर्ना गरेका छन् । इलेनोइसमा आयोजित चुनावी सभामा सम्बोधन गर्दै राष्ट्रपति ट्रम्पले यहुदी प्रार्थनाघरमा भएको आमहत्या हामी सबैमाथि भएको जघन्य अपराध रहेको बताए । पिट्सबर्गको ट्री अफ लाइफ यहुदी प्रार्थनाघर स्क्वारेल हिलमा १५० वर्षअघि स्थापना भएको थियो । बहुसंख्यक यहुदी बसोबास गर्ने पिट्सबर्गमा यो प्रार्थनाघर सबैको आस्थाको केन्द्र हो । ब्रान्डिस विश्वविद्यालयले सन् २०१७ मा गरेको एक अध्ययनमा त्यहाँका ८० प्रतिशतभन्दा बढीले यहुदी विरोधी भावना बढ्दै गएकामा चिन्ता व्यक्त गरेको देखाएको छ ।
काठमाडौं- नेपालले आगामी महिना अमेरिका र वेष्टइण्डिजमा हुने आईसीसी टी–२० विश्वकपका लागि...
काठमाडौं– अर्थमन्त्री वर्षमान पुनले तेश्रो अन्तर्राष्ट्रिय लगानी सम्मेलन–२०२४ भव्य रुपमा सफल भएको...
काठमाडौं- विगत चौबिस घण्टामा २२ जिल्लाका ६७ स्थानमा डढेलोले क्षति पुगेको छ...
इलाम– इलाम–२ मा मतगणनाको पछिल्लो परिणाम अनुसार नेकपा एमालेका सुहाङ नेम्वाङले ११...
काठमाडौं– फेशन नेटवर्क नेपालले नेपालमै पहिलो पटक तीन दिने ‘नेपाल फेसन फेस्टिभल’...
Get willing to find your perfect abdl match If you are looking for...
What you may anticipate when dating local bi-sexuals When dating local bi-sexuals, it’s...
Are you currently worried your partner...
काठमाडौं- नेपालले आगामी महिना अमेरिका र वेष्टइण्डिजमा हुने आईसीसी टी–२० विश्वकपका लागि...
काठमाडौं– अर्थमन्त्री वर्षमान पुनले तेश्रो अन्तर्राष्ट्रिय लगानी सम्मेलन–२०२४ भव्य रुपमा सफल भएको...