कतारमा भलिवल प्रतियोगिता

-- नेपाली टाईम्स अष्ट्रेलिया ?>

दसैंको अवसर पारेर कतारमा आयोजित भलिवल प्रतियोगिताको उपाधी आयोजक म्याग्दी सेवा समाज (मोना)ले हात पारेको छ । ‘टिटी सिस्टम’मा खेलाइएको खेलमा मोनाले कास्की आदर्श सेवा समाजलाई ३–१ को सेटमा हराएको हो । प्रतियोगिता उत्कृष्ट खेलाडी मोना कतारका गाकुल बिक (बिरु) ले प्राप्त गरे । प्रतियोगिताका विजेतालाई १५ सय रियाल (४५ हजार रुपैयाँ) र उपबिजेतालाई एक हजार रियाल (३० हजार रुपैयाँ) प्रदान गरियो थियो । खेलकुद विभागका संयोजक आकास रसाइलीका अनुसार प्रतियोगिताभरका खेलहरु निकै प्रतिस्पर्धात्मक थिए । मोनाका अध्यक्ष रमेश पौडेलले खेलले प्रवासमा लुकेको प्रतिभालाई बाहिर ल्याउनुको साथै भाइचाराको सम्बन्ध बढ्ेको बताए ।